কাছাৰ, 15 ডিচেম্বৰ: শিলচৰ চহৰৰ কেইবাখনো স্পা পাৰ্লাৰত মঙলবাৰে নিশা অসামাজিক কাৰ্যৰ পম খেদি অভিযান চলায় শিলচৰ আৰক্ষীয়ে ৷ উল্লেখ্য যে, দীৰ্ঘদিন ধৰি চহৰখনৰ কেইবাখনো অভিজাত পাৰ্লাৰত অনৈতিক কাৰ্য সম্পাদন হোৱাৰ অভিযোগ উত্থাপন হৈ আহিছিল ৷
এই অভিযোগৰ ভিত্তিতে শিলচৰ আৰক্ষীৰ এটা সজাতি দলে গোপন সুত্ৰৰ পম খেদি R.N. HEAVEN আৰু VLCC নামৰ দুখন স্পা পাৰ্লাৰত অভিযান চলায় ৷ আৰক্ষীৰ সুত্ৰই সদৰি কৰা অনুসৰি, অভিযান কালত স্পা পাৰ্লাৰ দুখনৰ পৰা বহুতো আপত্তিজনক সা-সামগ্ৰী জব্দ কৰে আৰক্ষীয়ে ৷ তদুপৰি পাৰ্লাৰ দুখনৰ পৰা তিনিগৰাকী যুৱতী আৰু দুজন যুৱকক আটক কৰা হয় বুলি জানিবলৈ দিছে আৰক্ষীয়ে ৷
