বিশ্বনাথ, ২২ মে': দেশ তথা অসমত কৰ’ণাই ভয়ংকৰ ৰূপ ধাৰণ কৰাৰ লগতে দৈনিক ক’ভিড আক্ৰান্তৰ সংখ্যা বৃদ্ধি পাইছে । ৰাজ্য চৰকাৰে শেহতীয়া পৰিস্থিতিৰ প্ৰতি লক্ষ্য ৰাখি ৰাইজৰ সাহায্য বিচাৰি মুখ্যমন্ত্ৰী ড০ হিমন্ত বিশ্ব শৰ্মাই বৰঙণি বিচাৰি আহ্বান জনাইছিল ।
উক্ত আহ্বানৰ প্ৰতি সঁহাৰি জনাই শুকুৰবাৰে ৭৭নং বিহালী বিধান সভা সমষ্টিৰ বিধায়ক তথা প্ৰাক্তন কেবিনেট মন্ত্ৰী ৰঞ্জিত দত্তই মুখ্যমন্ত্ৰীৰ সাহায্য পুঁজিলৈ ৩ লাখ টকাৰ আৰ্থিক সাহায্য আগবঢ়ায় । শুকুৰবাৰে মুখ্যমন্ত্ৰী ড০ হিমন্ত বিশ্ব শৰ্মাক সাক্ষাৎ কৰি ৰঞ্জিত দত্তই তেওঁ নিজৰ দৰমহাৰ এক লাখ টকা আৰু তেওঁৰ পৰিয়ালৰ গাংমৌ চাহ উদ্যোগৰ পৰা ২ লাখ টকাৰ চেক প্ৰদান কৰে ।
লগতে পঢ়ক: আৰ্তজনলৈ সহায়ৰ হাত বৰগাং গাঁও পঞ্চায়তৰ প্ৰতিনিধিৰ
