নিউজ ডেস্ক, 5 এপ্ৰিলঃ বৃহস্পতিবাৰে কোৱালালামপুৰত অনুষ্ঠিত 5 খনীয়া শৃংখলাৰ প্ৰথম মেচতে বৃহৎ জয় সাব্যস্ত কৰিছে ভাৰতীয় মহিলা হকী দলে ৷ আয়োজক দেশ মালয়েছিয়াক 3-0 গ'লৰ ব্যৱধানত পৰাস্ত কৰে ভাৰতীয় দলে ৷ ভাৰতৰ হৈ 17 আৰু 60 মিনিটত বন্দনা কাটাৰিয়া আৰু 38 মিনিটত লালৰেমছিয়ামিয়ে গ'ল কৰে ৷
8 দিনীয়া এই ভ্ৰমণসূচীৰ অধিনায়ক হিচাপে দলত আছে গ'লকীপাৰ ছবিতা আৰু সহ অধিনায়ক ডি জি এক্কা ৷ এই শৃংখলাৰ দ্বিতীয়খন মেচ শনিবাৰে অনুষ্ঠিত হ'ব ৷