স্পৰ্টছ ডেস্ক, 1 ডিচেম্বৰ : মঙলবাৰে জিএমচি ষ্টেডিয়ামত অনুষ্ঠিত হ'ব আইএছএলৰ এখন মেচ ৷ মেচখনত মুখামুখি হ'ব দুই শক্তিশালী দল এচচি ইষ্ট বেংগল আৰু মুম্বাই চিটী এফচি ৷ এটিকে মোহন বাগানৰ বিৰুদ্ধে 2-0 ব্যৱধানত পৰাস্ত হ'লেও পূৰ্বৰ মেচত ৰবী ফৌলাৰৰ দ্বাৰা প্ৰশিক্ষণপ্ৰাপ্ত ইষ্ট বেংগল দলে ভাল প্ৰদৰ্শন আগবঢ়াইছিল ৷
আনহাতে, প্ৰাক্তন নৰৱিক চিটীৰ খেলুৱৈ অন্থনী পিলকিংটনে মিডফিল্ডত প্ৰতিপক্ষক ভাবুকি প্ৰদান কৰিবলৈ সক্ষম হৈছিল ৷ শক্তিশালী এটিকে মোহন বাগানৰ বিৰুদ্ধে ডিফেন্সত বিফল হোৱা বাবে পৰাজয়ৰ সন্মুখীন হৈছিল এচচি ইষ্ট বেংগল ৷
উল্লেখ্য যে, পূৰ্বে এফচি গোৱাক 1-0 গ'লত পৰাস্ত কৰা ছাৰ্জিঅ' লোবেৰাৰ মুম্বাই চিটী এফচিৰ বিৰুদ্ধে আজিৰ মেচত অৱতীৰ্ণ হ'ব নতুনকৈ গঠন কৰা ইষ্ট বেংগল দল ৷ এই দলটোৱে ফৰৱাৰ্ড আৰু ডিফেন্সত শক্তিশালী প্ৰদৰ্শন কৰিব বুলি আশা কৰা হৈছে ৷
লগতে পঢ়ক : মাজুলীত অত্যাধুনিক ক্ৰিকেট খেলপথাৰৰ আধাৰশিলা স্থাপন মুখ্য়মন্ত্ৰী সোণোৱালৰ
