স্পৰ্টছ ডেস্ক, 11 নৱেম্বৰ: ভাৰতৰ হৈ টি-20 ক্ৰিকেটত দ্ৰুততম 50 টা উইকেট লোৱা প্ৰথমগৰাকী খেলুৱৈ হ’ল ভাৰতীয় লেগ স্পিনাৰ যুজৱেন্দ্ৰ চহল ৷ বাংলাদেশৰ বিৰুদ্ধে নাগপুৰত অনুষ্ঠিত হোৱা অন্তিমখন টি-20ত এই কৃতিত্ব লাভ কৰে খেলুৱৈগৰাকীয়ে ৷ বাংলাদেশৰ মহম্মদুল্লাহৰ উইকেট দখল কৰি 34 সংখ্যক টি-20 মেচত এই কৃতিত্ব লাভ কৰে চহলে ৷ এই ক্ষেত্ৰত জছপ্ৰীত বোমৰাহ আৰু ৰবিচন্দ্ৰন আশ্বিনৰ অভিলেখ ভংগ কৰে খেলুৱৈগৰাকীয়ে ৷
বোমৰাই 41 সংখ্যক আৰু আশ্বিনে 42 সংখ্যক মেচত 50 টা উইকেট সম্পূৰ্ণ কৰিবলৈ সক্ষম হৈছিল ৷ আনহাতে বিশ্ব ক্ৰিকেটত টি-20ত আটাইতকৈ দ্ৰুততম 50 টা টি-20 উইকেট লোৱা অভিলেখ আছে শ্ৰীলংকাৰ অজন্তা মেন্দিছৰ নামত ৷ মেন্দিছে মাত্ৰ 26 খন মেচত এই অভিলেখ ৰচিবলৈ সক্ষম হৈছিল ৷ দ্বিতীয় স্থানত যুটীয়াভাৱে আছে ইমৰান তাহিৰ আৰু ৰাছিদ খান ৷ দুয়োয়ে 31 খন মেচত দখল কৰিছিল 50 টা উইকেট ৷
লগতে চাওক- বাংলাদেশৰ বিৰুদ্ধে 2-1 ত শৃংখলা দখল ভাৰতৰ