স্প’ৰ্টছ ডেস্ক, 1 অক্টোবৰ : ভাৰতীয় ক্ৰিকেট দলৰ প্ৰাক্তন খেলুৱৈ মহেন্দ্ৰ সিং ধোনী আৰু তেওঁৰ পত্নী সাক্ষী ধোনীয়ে ক্ৰিকেটৰ তুলনাত অন্য খেলত স্ক’ৰ বনোৱাৰ সিদ্ধান্ত গ্ৰহণ কৰিছে ৷ ধোনী দম্পত্তিহালে ৱেৱ চিৰিজৰ জৰিয়তে অ’টিটি প্লেটফ’ৰ্মত ভৰি দিয়াৰ সিদ্ধান্ত গ্ৰহণ কৰিছে ৷
এম এছ ডি আৰু সাক্ষীয়ে 2019 বৰ্ষত তেওঁলোকৰ ধোনী এণ্টাৰটেইনমেণ্টৰ বেনাৰত ‘Roar Of The Lion’ নামৰ ডক্যুমেণ্টৰীখনৰ মুকলি কৰিছিল ৷ ইয়াৰ পৰৱৰ্তীৰূপে এই বেনাৰতে তেওঁলোকে ৰহস্যময় অঘৰীৰ অন্য এক ৱেব চিৰিজ লৈ আহিছে,যিটোৰ কাহিনী এগৰাকী নবীন লেখকৰ অপ্ৰকাশিত কিতাপৰ আধাৰত নিৰ্মাণ কৰা হৈছে ৷ এক সংবাদ মাধ্যমযোগে সাক্ষীয়ে এই কথা জানিবলৈ দিয়ে ৷
গুৰুত্বপূৰ্ণ কথা যে,ধোনীক এই কোম্পানীটোৰ আল্ফা আৰু সাক্ষীক আল্ফা1 বুলি জনা যায় ৷ সাক্ষীয়ে কয় যে,‘‘সেনাৰ বাবে মাহিৰ অত্যন্ত মৰম আছে ৷ আমাৰ এই প্ৰচেষ্টা হৈছে সুৰক্ষা বাহিনীৰ প্ৰতি থকা সন্মান আৰু প্ৰশংসা’’ ৷
ইয়াৰোপৰি কৰ’ণা মহামাৰীৰ মাজতে সাক্ষীয়ে পৰিয়ালৰ সৈতে কটোৱা সময় আৰু তেওঁলোকৰ 5 বছৰীয়া কন্যা জীৱাক কেনেদৰে প্ৰতিপালন কৰিছে সেই সম্পৰ্কে ব্যক্ত কৰে ৷ মহামাৰীৰ সময়ত তেওঁ জীৱাৰ অনলাইন ক্লাছত অংশ লৈছে ৷
লকডাউনৰ সময়ছোৱাত তেওঁলোকৰ পোহনীয়া কুকুৰৰ সৈতে অধিক সময় অতিবাহিত কৰাৰ সুযোগ লাভ কৰিছে ৷ ইয়াৰ লগতে তেওঁৰ জৈৱিক খেতিৰ প্ৰতি থকা ৰুচিও বৃদ্ধি পাইছে ৷
এই সময়ছোৱাত সাক্ষীয়ে নিজৰ ব্যক্তিত্বৰ প্ৰতিও গুৰুত্ব দিবলৈ সময় পাইছে ৷ তেওঁ কবিতা লিখিবলৈ সময় পাইছে,দেশপ্ৰেম ব্যক্ত কৰিবলৈ সময় পাইছে ৷
প্ৰতিখন আইপিএলতে স্বামী ধোনীৰ সৈতে থকা সাক্ষীয়ে এইবাৰ আইপিএলত ধোনীক মিছ কৰাৰ কথা ব্যক্ত কৰে ৷
লগতে পঢ়ক: আইপিএল 2020 : বেয়াৰষ্ট', ৰছিদৰ সুন্দৰ প্ৰদৰ্শনেৰে SRH ৰ প্ৰথমটো জয়
