এন্টাৰটেইনমেন্ট ডেস্ক, 17 ডেস্ক : আকৰ্ষণীয় আৰু উৎসাহজনক যোগাভ্য়াসৰ ফটোৰে নিজৰ গুণমুগ্ধক মোহিত কৰিছে সুস্মিতা সেনে ৷ প্ৰাক্তন মিছ ইউনিভাৰ্ছ গৰাকীয়ে চ'ছিয়েল মিডিয়াৰ জৰিয়তে প্ৰেমিক ৰহমান শ্বলৰ সৈতে যোগাভ্যাস কৰা বহুকেইখন ফটো আৰু ভিডিঅ' পোষ্ট কৰিছে ৷ নিজৰ ভৰিৰ ওপৰত জোৰ প্ৰয়োগ কৰি যোগাভ্যাস কৰি থকাৰ ফটো পোষ্ট কৰি তেওঁ লিখে, "ৰহমানে মোক এই যোগাভ্যাস কৰিবলৈ আহ্বান জনাইছিল ৷ আপোনালোকেও চেষ্টা কৰিব পাৰে ৷"
- " class="align-text-top noRightClick twitterSection" data="
">
সুস্মিতাৰ এই পোষ্টত সন্তুষ্টি প্ৰকাশ কৰি ৰহমানে কয়,"তুমি এই আহ্বান গ্ৰহণ কৰাত মই আচৰিত হ'লো ৷ তোমাক লৈ মই গৌৰবান্বিত ৷"
- " class="align-text-top noRightClick twitterSection" data="
">
আন এখন ফটোত সুস্মিতাক ভৰিৰ আঙুলিত ভৰ দি ভাৰসাম্য ৰক্ষা কৰা দেখা গ'ল ৷
শেহতীয়াকৈ সুস্মিতাই ৰহমান আৰু দুই কন্যা সন্তান ৰিনী আৰু আলিছাৰ সৈতে ইনষ্টাগ্ৰামত লাইভ আহি সকলোকে ঘৰতে সুৰক্ষিত হৈ থাকিবলৈ আহ্বান জনাইছিল ৷
তেওঁ কয়, "এয়া সকলোৰে বাবে কষ্টদায়ক, এতিয়া আপোনালোকে যদি সোধে মই সকলোতকৈ বেছি কি মনত পেলাও,তেন্তে সেয়া হৈছে কাম ৷ লক ডাউনত থাকি বিশ্বই জীৱিত থাকিব নোৱাৰে ৷ আমি আমাৰ উদ্দেশ্যত উপনীত হ'ব লাগিব আৰু স্বাধীন হৈ থাকিবৰ বাবে পথ বিচাৰি উলিয়াব লাগিব ৷ সেয়েহে মে' মাহত সাধাৰণ জনজীৱন ঘূৰি আহক বুলি আমি সকলোৱে আশা কৰো আহক ৷"
লগতে চাওকঃ ৰাইজৰ সুবিধাৰ্থে মাৰোৱাৰী যুৱ মঞ্চৰ বিশেষ পদক্ষেপ