নিউজ ডেস্ক,16 ফেব্ৰুৱাৰী: 2021ৰ শেষলৈকে পুনৰ বজাৰলৈ আহিব ‘ব্লেকবেৰী’ৰ নতুন ফোন ৷ ব্লেকবেৰীৰ নতুন স্বাত্বাধিকাৰী টেক্সাছ স্থিত প্ৰতিষ্ঠান ‘অনৱাৰ্ড ম’বিলিটি’য়ে সদৰি কৰিছে এই কথা ৷
উল্লেখ্য যে, বিগত বৰ্ষতে ব্লেকবেৰীয়ে ইয়াৰ সহযোগী TCL ৰে মিত্ৰতা ভংগ কৰিছিল ৷ আৰু ইয়াৰ কেইমাহমান পিছতে ই ‘অনৱাৰ্ড ম’বিলিটি’ৰ সৈতে মিত্ৰতা স্বাক্ষৰ কৰিছিল ৷
GizChinaৰ সৈতে হোৱা এক সাক্ষাৎকাৰত অনৱাৰ্ড ম’বিলিটিৰ মুখ্য কাৰ্যবাহী বিষয়া পিটাৰ ফ্ৰেংকলিনে সদৰি কৰে যে, চলিত বৰ্ষতে প্ৰতিষ্ঠানটোৱে নতুন 5G ফোন মুকলি কৰিব ৷ প্ৰতিষ্ঠানটোৱে সম্প্ৰতি ব্লেকবেৰীৰ নতুন 5G ফোনৰ নিৰ্মানৰ বাবে ফক্সক’নৰ সৈতে কাম কৰি আছে ৷
এই নতুন ফোনটোত সুক্ষাৰ ক্ষেত্ৰত যথেষ্ট গুৰুত্ব প্ৰদান কৰা হৈছে ৷ এই পৰ্যন্ত এই নতুন ফোন সন্দৰ্ভত কোনো তথ্য সদৰি কৰা নাই ইয়াৰ স্বত্বাধিকাৰী প্ৰতিষ্ঠানখনে ৷
ব্লেকবেৰীয়ে 2021 বৰ্ষত অনৱাৰ্ড ম’বিলিটি আৰু FIH ম’বাইল লিমিটেডৰ অধীনত উত্তৰ আমেৰিকা আৰু ইউৰোপত পুনৰ উভটি অহাৰ বাতৰি বিগত বৰ্ষতে প্ৰকাশ পাইছিল ৷ বিক্ৰী হ্ৰাস পোৱাৰ লগতে ৰাইজৰ মাজত iPhone আৰু এনৰইড স্মাৰ্টফোনৰ জনপ্ৰিয়তা বৃদ্ধি পোৱাৰ বাবে 2016 চনত ব্লেকবেৰীয়ে ব্যৱসায় বন্ধ কৰি দিছিল ৷
লগতে পঢ়ক-চৰম প্ৰাকৃতিক দুৰ্যোগৰ গৰাহত হিমালয়ৰ পাদদেশৰ ৰাজ্যসমূহ
