কৰিমগঞ্জ, 25 জুনঃ কদমতলা আৰক্ষী থানাৰ অন্তৰ্গত বৈথলী গাঁৱৰ আব্দুল বশৰ (39) নামৰ এগৰাকী ড্ৰাগছ ব্যবসায়ীৰ ঘৰত ত্ৰিপুৰা আৰক্ষীৰ চোৰাংচোৱা বিভাগৰ অভিযান ৷ অভিযানত বৃহৎ পৰিমাণৰ নিচা জাতীয় ইয়াবা টেবলেটৰ লগত নগদ 4.50 লাখ টকা জব্দ কৰিবলৈ সক্ষম হয় আৰক্ষীয়ে । লগতে আব্দুল বশৰ ঘৰৰ পৰা এখন ৱেগনাৰ বাহনো জব্দ কৰে আৰক্ষীয়ে । আব্দুল বশৰে দীৰ্ঘদিনৰ পৰাই বৰাক উপত্যকাৰ ড্ৰাগছ মাফিয়াৰ লগত সম্পৰ্ক স্থাপন কৰি অসম ত্ৰিপুৰা সীমান্তত নিচাৰ সাম্ৰাজ্য গঢ়ি তোলাৰ অভিযোগ উঠিছে ।
অৱশেষত ত্ৰিপুৰা আৰক্ষীৰ চোৰাংচোৱা বিভাগে অভিযান চলাই মষ্ট ৱান্টেড ড্ৰাগছ মাফিয়া আব্দুল বশৰক কৰায়ত্ব কৰিবলৈ সক্ষম হৈছে । উল্লেখযোগ্য যে মাত্ৰ দুদিনৰ অভিযানত ত্ৰিপুৰা সীমান্তৰ পৰা ত্ৰিপুৰা আৰক্ষীয়ে প্ৰায় ডেৰ কোটি টকা মূল্যৰ ইয়াবা টেবলেট জব্দ কৰিবলৈ সক্ষম হৈছে ৷
আৰু পঢ়কঃ গোলাঘাটত আটক দুই ড্ৰাগছ সৰবৰাহকাৰী
