ইণ্টাৰনেশ্যনেল ডেস্ক,১৬ নৱেম্বৰ : ইৰাণ আৰু ইজৰাইলৰ মাজত শীতল যুদ্ধ অব্যাহত আছে (Iran and Israel cold war)। প্ৰায়ে ইৰাণে ইজৰাইলৰ জাহাজবোৰত আক্ৰমণ কৰা দেখা গৈছে । ইয়াৰ মাজতে পুনৰ ইজৰাইলী জাহাজত আক্ৰমণৰ ঘটনা সংঘটিত হৈছে ।
বুধবাৰে এগৰাকী বিষয়াই জনোৱা মতে ওমানৰ উপকূলত এগৰাকী ইজৰাইলী কোটিপতিৰ তেলৰ টেংকাৰত আক্ৰমণৰ ঘটনা সংঘটিত হৈছে । ড্ৰোণৰ জৰিয়তে বোমাৰে আক্ৰমণ কৰা হৈছে জাহাজখনত । মঙলবাৰে নিশা ওমানৰ উপকূলত এই আক্ৰমণৰ ঘটনা সংঘটিত হৈছে (Attack on vessels in Oman)। অৱশ্যে এই আক্ৰমণৰ বিষয়ে ৰাজহুৱাভাৱে আলোচনা হোৱা নাই যদিও বিশেষ সূত্ৰই এই কথা প্ৰকাশ কৰিছে ।
অঞ্চলটোত জাহাজ পৰিবহণ নিৰীক্ষণ কৰি থকা ব্ৰিটিছ সামৰিক সংগঠন (United Kingdom Maritime Trade Operations) ইউনাইটেড কিংডম মেৰিটাইম ট্ৰেড অপাৰেশ্যনে সংবাদমাধ্যমক জনোৱা মতে তেওঁলোকে এক ঘটনাৰ বিষয়ে জানিব পাৰিছে আৰু তাৰ তদন্ত অব্যাহত ৰাখিছে । জানিব পৰা মতে আক্ৰমণ কৰা জাহাজখন লাইবেৰিয়ান পতাকাযুক্ত তেল টেংকাৰ পেচিফিক জিৰকন বুলি চিনাক্ত কৰিছে (Attack on Liberian flagged oil tanker)। সেই টেংকাৰখন ছিংগাপুৰস্থিত ইষ্টাৰ্ণ পেচিফিক শ্বিপিঙে পৰিচালিত কৰি আছিল বুলিও জানিব পৰা গৈছে । যিটো ইজৰাইলী কোটিপতি ইদান অফাৰৰ কোম্পানী বুলি জানিব পৰা গৈছে ।
অৱশ্যে কোনেও তাৎক্ষণিকভাৱে এই আক্ৰমণৰ দায়িত্ব স্বীকাৰ কৰা নাই যদিও ইৰাণৰ ওপৰত সন্দেহ কৰা হৈছে । উল্লেখ্য যে তেহৰাণ আৰু ইজৰাইলৰ মাজত প্ৰায়ে সংঘৰ্ষ হোৱা দেখা গৈছে (Tehran Israel clash) । ইফালে আমেৰিকাই ২০১৯ চনত সংযুক্ত আৰৱৰ উপকূলত সংঘটিত কেইবাটাও আক্ৰমণৰ বাবে ইৰাণক দোষাৰোপ কৰিছিল ।
তেহৰাণে তেতিয়া আমেৰিকা যুক্তৰাষ্ট্ৰৰ বিশ্ব শক্তিৰ সৈতে পাৰমাণৱিক চুক্তিৰ পৰা একপক্ষীয়ভাৱে প্ৰত্যাহাৰ কৰাৰ পাছত পাৰমাণৱিক কাৰ্যসূচী বৃদ্ধি কৰা আৰম্ভ কৰিছিল । ইৰাণৰ চৰকাৰী সংবাদ মাধ্যমসমূহে প্ৰশান্ত মহাসাগৰীয় জিৰকনৰ ওপৰত হোৱা আক্ৰমণক তাৎক্ষণিকভাৱে স্বীকাৰ কৰা নাই ।
লগতে পঢ়ক :Missile Hits Poland: পোলেণ্ডত মিছাইল আক্ৰমণৰ পাছতে বাইডেনৰ জৰুৰী বৈঠক
