বাংলা ভাষা নজনাৰ বাবেই প্ৰহাৰ অসম বিশ্ববিদ্যালয়ৰ ছাত্ৰীক

শিলচৰ, 6 ডিচেম্বৰ: ৰাজ্যজুৰি কেবক লৈ জুই জ্বলি থকাৰ সময়তে কাছাৰৰ শিলচৰত বঙালী ভাষা ক'ব নোৱাৰাৰ বাবেই দুষ্কৃতিকাৰীৰ আক্ৰমণৰ বলি হ'ল অসম বিশ্ববিদ্যালয়ত অধ্যয়নৰত এগৰাকী ডিমাছা যুৱতী ৷

ঘটনা অনুসৰি শুক্ৰবাৰে আবেলি নিজ প্ৰকল্প নিৰ্মানৰ বাবে ক্ষেত্ৰ অধ্যায়ণৰ পৰা নিজ বন্ধুবৰ্গৰ সৈতে বিশ্ববিদ্যালয় অভিমুখে আহি থকা অৱস্থাতে সংঘটিত হ'ল এই দুখলগা কাণ্ড ৷ যুৱতী গৰাকীয়ে সাংবাদিকক জানিবলৈ দিয়া অনুসৰি আক্ৰমণকাৰী সকলে যুৱতীগৰাকীৰ লগতে তেওঁৰ বন্ধুকো আক্ৰমণ কৰি আহত কৰাৰ লগতে যুৱতী গৰাকীক উদ্দেশ্যি অশ্ৰাব্য ভাষাৰে গালি গালাজ কৰে ৷ দুষ্কৃতিকাৰীয়ে আৰক্ষীৰ সন্মুখতে সংঘটিত কৰিলে এই ঘটনা ৷ কেৱল মাৰ-পিট কৰাই নহয় দুষ্কৃতিকাৰীসকলে যুৱতী গৰাকীৰ হাতৰ ম'বাইলো ভাঙি চুৰ-মাৰ কৰে ৷

আৰু পঢ়ক: 'কেব' নামানে অসমীয়াইঃ দেহৰ শেষ টোপাল তেজ থকালৈ যুঁজি যোৱাৰ হুংকাৰ