তিতাবৰ, 16 মাৰ্চ : তিতাবৰৰ আৰক্ষীয়ে মঙলবাৰে অভিযান চলাই দুই ড্ৰাগছ ব্যৱসায়ীক আটক (Drugs peddlers Arrested in Titabar) কৰিবলৈ সক্ষম হয় । তিতাবৰ মহকুমা আৰক্ষী বিষয়া নৱনীতা শৰ্মাৰ নেতৃত্বত আৰক্ষীৰ এটা দলে অভিযান চলাই আটক কৰে ড্ৰাগছ ব্যৱসায়ী দুটাক ৷ আটকাধীন ড্ৰাগছ ব্যৱসায়ী দুটা ৰাজীৱ শ্যাম আৰু মাইনা দাস বুলি জানিব পৰা হৈছে ।
আৰক্ষীৰ দলটোৱে তিতাবৰৰ পথাৰশ্যাম গাঁৱৰ পৰা আটক কৰা ড্ৰাগছ ব্যৱসায়ী দুটাক ৷ মাইনা দাসে ইয়াৰ পূৰ্বেও কেইবাবাৰো ড্ৰাগছ ব্যৱসায় কৰি কাৰাগাৰলৈ যোৱা বুলি জানিব পৰা হৈছে । আনহাতে, ৰাজীৱ শ্যাম মাত্ৰ ডেৰমাহৰ আগতহে কাৰাগাৰৰ পৰা মুকলি হৈ আহিছিল ।
আৰক্ষীৰ দলটোৱে ধৃত ড্ৰাগছ সৰবৰাহকাৰী দুটাৰ পৰা 8 গ্ৰাম ড্ৰাগছ জব্দ (Drug seized at Titabor) কৰে ৷ সম্প্ৰতি ধৃত ড্ৰাগছ সৰবৰাহকাৰী দুটাৰ জেৰা অব্যাহত ৰাখিছে তিতাবৰ আৰক্ষীয়ে ৷
লগতে পঢ়ক : বাইহাটা চাৰিআলিত ড্ৰাগছসহ তিনি সৰবৰাহকাৰীক আটক
