গুৱাহাটী, 30 মাৰ্চ : ভূপেন বৰাক মিছলীয়া আখ্যা ধিঙৰ বিধায়ক আমিনুল ইছলামৰ ৷ বিধানসভাৰ বাহিৰত বুধবাৰে সাংবাদিকক সম্বোধন কৰি এই মন্তব্য কৰে এ আই ইউ ডি এফৰ ধিঙৰ বিধায়ক আমিনুল ইছলামে (Dhing MLA terms Bhupen Bora as biggest liar) ৷ তেওঁ কয় যে, অসম প্ৰদেশ কংগ্ৰেছৰ সভাপতি ভূপেন বৰা মিছলীয়া । মঙলবাৰে সাংবাদিকৰ আগত ভূপেন বৰাই এ আই ইউ ডি এফৰ বিৰুদ্ধে কেইবাটাও মিছা কথা কৈছে । এ আই ইউ ডি এফৰ বিৰুদ্ধে অনা এটা অভিযোগৰো প্ৰমাণ দিব নোৱাৰে ভূপেন বৰাই ।
এ আই ইউ ডি এফৰ বিধায়কগৰাকীয়ে ভূপেন বৰাক মুখ চম্ভালি কথা কোৱাৰ বাবেও সকীয়াই দিয়ে । তেওঁ কংগ্ৰেছৰ কোনে কোনে বিজেপিৰ পৰা টকা লৈছে কাইলৈ দিনটো যোৱাৰ পাছত সকলো ফাদিল কৰাৰ কথা কৰিলে উল্লেখ । বিধায়কগৰাকীয়ে লগতে কংগ্ৰেছৰ দুজন প্ৰাক্তন মন্ত্ৰীয়ে বিজেপিৰ পৰা টকা লোৱাৰো এক গুৰুতৰ অভিযোগ উত্থাপন কৰে । তেওঁ লগতে কয় যে, আমি কংগ্ৰেছৰ বিধায়কসকলক ডিনাৰ কৰিব মাতিছিলো, ব্ৰেকফাষ্ট কৰিব মাতিছিলো । তাত উত্তৰ নাপালোঁ ; কিন্তু মিটিঙৰ পৰা ওলাই আহি কংগ্ৰেছে আমাৰ বিৰুদ্ধে সংবাদমেল দিলে ।
ধিঙৰ বিধায়কগৰাকীয়ে এ আই ইউ ডি এফৰ বাবে বেলট বাকচ আছুতীয়াকৈ দিয়াৰ বাবেও দাবী জনায় ৷ তেতিয়াই সকলো দুধ কা দুধ পানী কা পানী হৈ যাব বুলি তেওঁ উল্লেখ কৰে । উল্লেখ্য যে, এ আই ইউ ডি এফৰ 15জন বিধায়কে লিখিত পত্ৰযোগে প্ৰধান সচিবলৈ আছুতীয়া বেলেট বাকচ বিচাৰিছে ।
লগতে পঢ়ক : কাইলৈ ৰাজ্যসভা নিৰ্বাচন: জয়ী হোৱাৰ দাবী ৰিপুণ বৰাৰ
