মৰাণ, 2 জানুৱাৰী : সোমবাৰৰ পৰা দুদিনীয়াকৈ দুলীয়াজানৰ জালনী ক্লাৱত অনুষ্ঠিত হ'ব ৰাজ্যৰ আৰক্ষী অধীক্ষক সকলৰ সন্মিলন (Assam police SP's conference in Dibrugarh) । সেই উপলক্ষে দেওবাৰে জালনী ক্লাৱত উপস্থিত হয় অসম আৰক্ষীৰ সঞ্চালক প্ৰধান ভাস্কৰজ্যোতি মহন্ত । সন্মিলনৰ উপলক্ষে সঞ্চালক প্ৰধান গৰাকীয়ে পৰিস্থিতিৰ বুজ লয় (DGP Bhaskarjyoti Mahanta visits Dibrugarh)। স্নিফাৰ ডগ আৰু মেটেল ডিটেকটৰৰ জৰিয়তে নিৰাপত্তা দিশটো তন্ন তন্নকৈ পৰীক্ষা কৰিছে জিলা প্ৰশাসনে ।
ইফালে এই সন্মিলনত ভাগ ল'ব অসমৰ মুখ্যমন্ত্ৰী হিমন্ত বিশ্ব শৰ্মাৰ লগতে হিমন্ত বিশ্বৰ মন্ত্ৰী সভাৰ কেইবাগৰাকীও মন্ত্ৰীয়ে । মুখ্যমন্ত্ৰীগৰাকী দেওবাৰে নিশালৈ উপস্থিত হোৱাৰ সম্ভাৱনা (CM Himanta biswa Sarma in Dibrugarh) । দুদিনীয়াকৈ অনুষ্ঠিত হ'ব লগা এই সন্মিলনত কেইবাটাও গুৰুত্বপূৰ্ণ সিদ্ধান্ত লোৱা হ'ব ।
উল্লেখ্য যে, আৰক্ষী বিভাগটো অধিক সক্ৰিয় তথা শক্তিশালী কৰাৰ উদ্দেশ্য চৰকাৰ গঠন কৰাৰ পাচতে ৰাজ্যৰ মুখ্যমন্ত্ৰী তথা গৃহমন্ত্ৰী হিমন্ত বিশ্ব শৰ্মাই লৈছে কেতবোৰ ব্যতিক্ৰমী পদক্ষেপ ৷ আৰক্ষী অধীক্ষকৰ সন্মিলনো ইয়াৰে এটা অংশ ৷ আৰক্ষী অধীক্ষকসকলৰ প্ৰথমখন সন্মিলন অনুষ্ঠিত হৈছিল যোৱা বছৰ জুন মাহত কাজিৰঙাত ৷ সোমবাৰৰ পৰা দুনিনীয়াকৈ ডিব্ৰুগড়ত অনুষ্ঠিত হ’ব দ্বিতীয়খন সন্মিলন ৷ এই অনুষ্ঠানক সফল কৰাৰ উদ্দেশ্য ইতিমধ্যে নামি পৰিছে ডিব্ৰুগড় জিলা প্ৰশাসন ৷
লগতে পঢ়ক : CM to visit Sasoni Merbil Eco Tourism Park : মুখ্যমন্ত্ৰীৰ ভ্ৰমণৰ পূৰ্বে মেৰবিলত প্ৰশাসনৰ তৎপৰতা
