নেশ্যনেল ডেস্ক, ১৫ ফেব্ৰুৱাৰী: দিল্লীত এল পি জি চিলিণ্ডাৰৰ মূল্য প্ৰতি ইউনিটত ৫০ টকাকৈ বৃদ্ধি । এক সূত্ৰই প্ৰকাশ কৰা অনুসৰি, ১৪.২ কিলোগ্ৰামৰ প্ৰতিটো চিলিণ্ডাৰৰ মূল্য ৭৬৯ টকালৈ বৃদ্ধি কৰা হৈছে । মঙলবাৰে মাজনিশাৰ পৰা এই নতুন দৰত ঘৰুৱা ব্যৱহাৰ্য চিলিণ্ডাৰ ক্ৰয় কৰিব লাগিব গ্ৰাহকে ।
ফেব্ৰুৱাৰী মাহত দ্বিতীয়বাৰলৈ বৃদ্ধি পালে ৰন্ধন গেছৰ মূল্য । উল্লেখ্য যে, ইয়াৰ পূৰ্বে যোৱা ৪ ফেব্ৰুৱাৰীত দিল্লীত তৈল বিপণন কোম্পানীবোৰে ৰাজসাহাৰ্য বিহীন চিলিণ্ডাৰৰ মূল্য ২৫ টকা বৃদ্ধি কৰিছিল । এতিয়া পেট্ৰল-ডিজেলৰ মূল্যবৃদ্ধিয়ে জনতাক মাধমাৰ সোধোৱাৰ সময়তে পুনৰ বৃদ্ধি পাইছে ৰন্ধন গেছৰ মূল্য ।
লগতে পঢ়ক:ওড়িশাত কংগ্ৰেছৰ বন্ধৰ সৰ্বাত্মক প্ৰভাৱ
