নেশ্যনেল ডেস্ক, 26 মাৰ্চ : শনিবাৰে পুৱা দেশত পুনৰ 80 পইচাকৈ বৃদ্ধি পালে পেট্ৰ'ল-ডিজেলৰ মূল্য ৷ ৰাজধানী দিল্লীত বৰ্তমান প্ৰতি লিটাৰ পেট্ৰ'লৰ মূল্য 98.61 টকা আৰু ডিজেলৰ মূল্য 89.87 টকা হয়গৈ ৷ প্ৰায় চাৰে চাৰি মাহৰ দীঘলীয়া ব্যৱধানৰ পাছত বিগত 22 মাৰ্চত বৃদ্ধি পাইছিল পে’ট্ৰল-ডিজেলৰ দাম ।
22-26 মাৰ্চ অৰ্থাৎ শনিবাৰৰ ভিতৰত একেৰাহে চতুৰ্থবাৰলৈ বৃদ্ধি পায় পেট্ৰ'ল-ডিজেলৰ মূল্য (Fourth increase in five days) ৷ ইয়াৰ লগতে বিগত পাঁচদিনৰ ব্যৱধানত চতুৰ্থবাৰলৈ বৃদ্ধি পায় প্ৰতি লিটাৰ পেট্ৰ'ল-ডিজেলৰ মূল্য ৷
আনহাতে, এই মূল্যবৃদ্ধিৰ প্ৰভাৱ পৰিছে অসমতো ৷ গুৱাহাটী মহানগৰীত শনিবাৰে পুৱা প্ৰতি লিটাৰ পেট্ৰ'লৰ মূল্য 98.10 টকা হোৱাৰ বিপৰীতে ডিজেলৰ দাম হয়গৈ প্ৰতি লিটাৰত 84.19 টকা । বিপৰীতে শুকুৰবাৰৰ দিনটোত এই মূল্য আছিল 97.23 টকা আৰু ডিজেলৰ মূল্য আছিল 83.38 টকা ।
মহানগৰীক বাদ দি ৰাজ্যৰ আন কেতবোৰ প্ৰান্ততো মূল্যবৃদ্ধি ঘটিছে ইন্ধনৰ ৷ লখিমপুৰ জিলাৰ নাৰায়ণপুৰ, ঢকুৱাখানাত প্ৰতি লিটাৰ পেট্ৰ’লে শতকৰ ঘৰ স্পৰ্শ কৰাৰ সমান্তৰালকৈ মাজুলীতো প্ৰতি লিটাৰ পেট্ৰ’লৰ দাম হৈছেগৈ 100 টকা ৷
লগতে পঢ়ক : গুজৰাটত পৰম্পৰাগত ঔষধিৰ গ্ল'বেল চেণ্টাৰ : জেনেভাত স্বাক্ষৰ MoU
