নিউজ ডেস্ক, ২৮ মে' : দেওবাৰে প্ৰধানমন্ত্ৰী নৰেন্দ্ৰ মোদীয়ে আনুষ্ঠানিকভাৱে উদ্বোধন কৰে নতুন সংসদ ভৱন (PM Modi inaugurated new parliament) । পুৱা আৰম্ভ হোৱা হোমযজ্ঞৰ পিচত কেইবাটাও কাৰ্যসূচীৰে সমাপ্ত হয় এই উদ্বোধনী অনুষ্ঠানৰ । আনহাতে, পৱিত্ৰ ৰাজদণ্ড ছেংগোল অধ্যক্ষৰ আসনৰ ওচৰত প্ৰতিষ্ঠা কৰে প্ৰধানমন্ত্ৰীয়ে । লগতে তেওঁ নতুন সংসদত প্ৰথমটো বক্তব্যও প্ৰদান কৰে ।
অনুষ্ঠানত লোকসভাৰ অধ্যক্ষ ওম বিৰলাইও বক্তব্য ৰাখে (Lok Sabha speaker Om Birla) । নিজৰ বক্তব্যত তেওঁ কয় যে নতুন সংসদীয় ভৱনৰ আগমনৰ ফলত নিৰ্বাচিত প্ৰতিনিধিসকলে সদনৰ মজিয়াত তেওঁলোকৰ সৰ্বশ্ৰেষ্ঠখিনি উজাৰি দিবলৈ অনুপ্ৰাণিত কৰিব । ইয়াত হোৱা সুস্থ আলোচনা আৰু বিতৰ্কই অনাগত দিনবোৰত গণতন্ত্ৰক অধিক জীৱন্ত কৰাৰ পথ প্ৰশস্ত কৰিব (Om Birla on new parliament inauguration) ।
"প্ৰধানমন্ত্ৰী নৰেন্দ্ৰ মোদীয়ে লোকসভা আৰু ৰাজ্যসভাৰ সদস্যসকলৰ পৰামৰ্শৰ প্ৰতি লক্ষ্য ৰাখি অভিলেখ সময়ত অত্যাধুনিক আন্তঃগাঁথনিৰে নিৰ্মাণৰ কাম সম্পূৰ্ণ কৰাটো সম্ভৱ কৰি তুলিছে । অট্টালিকাটোলৈ লক্ষ্য কৰিলে গৌৰৱময় অতীত আৰু বৰ্তমানৰ সজীৱ গণতন্ত্ৰক সোঁৱৰাই দিয়ে । ই আমাক ভৱিষ্যতে নতুন উচ্চতাত উপনীত হ'বলৈ আগবাঢ়ি যাবলৈ অনুপ্ৰাণিত কৰিব ।" সংসদীয় ভৱনৰ উদ্বোধনৰ পিছত বিৰলাই তেওঁৰ ভাষণত এনেদৰে কয় (Om Birla speech in new parliament) । বিৰলাই লগতে উল্লেখ কৰে যে অত্যাধুনিক অট্টালিকাটোত যিবোৰ প্ৰযুক্তিগত সুবিধা আছে সেইবোৰ আধুনিক সময়ৰ প্ৰয়োজনীয়তাৰ প্ৰতি লক্ষ্য ৰাখি অন্তৰ্ভুক্ত কৰা হৈছে ।
বিৰলাই লগতে কয় যে নতুন ভৱনটো সকলো ৰাজ্যৰ পৰম্পৰাৰ সমান প্ৰতিনিধিত্বৰ এক নিখুঁত প্ৰতীক । "নতুন সংসদ ভৱন নিৰ্মাণৰ সময়ত প্ৰতীক আৰু সাংস্কৃতিক পৰম্পৰা অন্তৰ্ভুক্ত কৰা হৈছে । ই সকলো ৰাজ্যৰ লোকৰ সমান অংশগ্ৰহণৰ প্ৰতীক । ই বৈচিত্ৰ্যৰ মাজত একতা প্ৰদৰ্শন কৰে ।" বিৰলাই কয় । তেওঁ লগতে কয় যে নতুন সংসদ ভৱনটোৱে উন্নয়ন, উদ্ভাৱন, প্ৰযুক্তি আৰু আন সকলো দিশৰ ক্ষেত্ৰত ভাৰতক বিশ্বৰ সৰ্বশ্ৰেষ্ঠ কৰি তুলিবলৈ একেলগে কাম কৰিবলৈ সকলোকে অনুপ্ৰাণিত কৰিব । যিবোৰ এখন দেশৰ বাবে উচ্চ শিখৰত উপনীত হোৱাৰ বাবে অত্যাৱশ্যকীয় উপাদান ।
