কলকাতাত আয়কৰ বিভাগৰ অভিযান

নেশ্যনেল ডেস্ক,১১ মাৰ্চ: যোৱা ৩ মাৰ্চত কলকাতাৰ দুজন লোকৰ বাসগৃহত আয়কৰ বিভাগে অভিযান চলায় । কমিছনৰ আশাত এই ব্যক্তি দুজনে বৃহৎ পৰিমাণৰ ধনৰ লেনদেন কৰাৰ সন্দেহত আয়কৰ বিভাগে অভিযান চলাইছে । গোপন সূত্ৰৰ পৰা খবৰ লাভ কৰাৰ পিছতে বিভাগীয় বিষয়াই অনুসন্ধান চলায় ।

এই অভিযানৰ সময়ত বে-আইনীভাৱে ৰখা নগদ ১২১.৫০ লাখ টকা জব্দ কৰা হয় । অৱশ্যে, এই লোক দুজনৰ পৰিচয় ৰাজহুৱা কৰা নাই বিভাগীয় কৰ্তৃপক্ষই । এই সন্দৰ্ভত অনুসন্ধান অব্যাহত আছে বুলি জানিবলৈ দিছে আয়কৰ বিভাগে ।

লগতে পঢ়ক: হায়দৰাবাদত স্বামীক হত্যা কৰি ৰঙাঘৰৰ আলহী পত্নী