নেশ্যনেল ডেস্ক, 18 ছেপ্তেম্বৰ : কৃষি আইনৰ বিৰোধিতাৰে সিংঘু সীমান্তত প্ৰতিবাদ অব্যাহত ৰখা কৃষকসকলক আলোচনাৰ বাবে আমন্ত্ৰণ জনাইছে হাৰিয়ানা চৰকাৰৰ দ্বাৰা গঠিত ৰাজ্যিক পৰ্যায়ৰ কমিটিয়ে ৷ কমিটিখনে 19 ডিচেম্বৰত সংযুক্ত কিষাণ মৰ্চাৰ লগতে 43 গৰাকী কৃষক নেতাক আলোচনাৰ বাবে আহ্বান জনাইছে ৷ কিন্তু এই তালিকাত নাই কৃষক নেতা ৰাকেশ টিকেইটৰ নাম ৷
এই বৈঠকত সিংঘু সীমান্তৰ এটা দিশৰ পথ খোলা দিয়াৰ বাবে কৃষকসকলৰ সৈতে আলোচনা কৰা হ’ব ৷ মুৰথলত আয়োজন কৰা হৈছে এই বৈঠকৰ ৷ উল্লেখ্য যে, উচ্চতম ন্যায়ালয়েও কৃষকসকলক পথ খোলা দিবলৈ নিৰ্দেশ প্ৰদান কৰিছে ৷ উচ্চতম ন্যায়ালয়ৰ এই নিৰ্দেশৰ পিছতে হাৰিয়ানা চৰকাৰে উচ্চ পৰ্যায়ৰ বৈঠক অনুষ্ঠিত কৰিছিল ৷
বৈঠকৰ পিছতে চৰকাৰে ইয়াক সমাধানৰ বাবে কমিটি গঠন কৰিছিল ৷ হাৰিয়ানাৰ গৃহমন্ত্ৰী অনিল ৱিজে কয় যে, হাৰিয়ানা চৰকাৰৰ বৈঠকৰ পিছতে উচ্চতম ন্যায়ালৰ আদেশ পালন কৰাৰ উদ্দেশ্য গৃহ সচিব ৰাজীৱ অৰোৰাৰ অধ্যক্ষতাত উচ্চ পৰ্যায়ৰ এক কমিটি গঠন কৰা হয় ৷
তেওঁ লগতে কয় যে, ‘এই কমিটিখনে কৃষকসকলক আলোচনাৰ বাবে আমন্ত্ৰণ কৰিছে ৷ ইয়াৰ পূৰ্বে উচ্চতম ন্যায়ালয়ে হাৰিয়ানা চৰকাৰত পথ খোলা দিয়াৰ বাবে কৃষকসকলৰ সৈতে আলোচনাৰ কৰি সমাধান উলিওৱাৰ বাবে আদেশ দিছিল’ ৷ উল্লেখ্য যে, যোৱা প্ৰায় 9 মাহতকৈও অধিক সময় ধৰি কৃষকসকলে কৃষক আইনৰ বিৰোধিতাৰে সিংঘু আৰু টিকৰী সীমান্তত প্ৰতিবাদ অব্যাহত ৰাখিছে ৷ কৃষকসকলে সীমান্তত দুয়ো দিশৰ পথ বন্ধ কৰি ৰাখিছে ৷
লগতে পঢ়ক : দিল্লী আৰক্ষীৰ তৎপৰতাত মুম্বাইত আটক সন্দেহযুক্ত সন্ত্ৰাসবাদী
