নিউজ ডেস্ক,19 জুলাইঃ সীমা সুৰক্ষা বলৰ এগৰাকী বিষয়াই দিল্লী আৰক্ষীৰ শীৰ্ষ বিষয়ালৈ এখন পত্ৰ প্ৰেৰণ কৰি অভিযোগ দাখিল কৰাৰ লগতে বিহিত ব্যৱস্থা গ্ৰহণ কৰিবলৈ দাবী জনায় ৷ কৰ্তব্যৰ বাবে তেঁও ঘৰত নাথাকে সেই সুযোগতে ঘৰৰ ওচৰ চুবুৰীয়াই তেঁওৰ পৰিয়ালৰ ওপৰত আক্ৰমণ চলায় ৷ এই আক্ৰমণৰ ঘটনা ৰোধৰ কৰাৰ বাবে দিল্লী আৰক্ষীলৈ পত্ৰ প্ৰেৰণ কৰে বিএছএফৰ বিষয়াগৰাকীয়ে ৷ কাশ্মীৰৰ বাৰমুলাত কৰ্তব্যৰ বাবে নিযোজিত হৈ থকা সীমা সুৰক্ষা বলৰ এএছআইগৰাকীয়ে অতি শীঘ্ৰে বিহিত ব্যৱস্থা গ্ৰহণ কৰিবলৈ আৰক্ষীক আহ্বান জনাই ৷
ইপিনে ঘটনা অনুসৰি স্থানীয় আৰক্ষীক অভিযোগ দিয়াৰ পিছতো কোনোধৰণৰ সহাঁৰি নোপোৱাত বিষয়া গৰাকীয়ে দিল্লীৰ উচ্চপদস্থ আৰক্ষী বিষয়ালৈ পত্ৰ প্ৰেৰণ কৰে ৷ কিয়নো তেঁওৰ ওচৰ চুবুৰীয়াৰ পৰা তেঁও পৰিয়াল সুৰক্ষিত নহয় গতিকে বিষয়া গৰাকীৰ পৰিয়ালক নিৰাপত্তাৰ অধিক প্ৰযোজন বুলি পত্ৰৰ জৰিয়তে উল্লেখ কৰে বিষয়া গৰাকীয়ে ৷ বিষয়াগৰাকীয়ে উল্লেখ কৰে যে তেঁও পৰিয়ালৰ ওপৰত ওচৰ চুবুৰীয়াই পাথৰ,ইটা আৰু অস্ত্ৰ-শস্ত্ৰৰে আক্ৰমণ কৰে ৷ তাৰপিছতে তেঁওৰ পৰিয়ালে স্থানীয় আৰক্ষীৰ কাষ চাপে আৰু ঘটনাৰ বিষয়ে অবগত কৰে ৷ ইপিনে সমগ্ৰ ঘটনাৰ দৃশ্য চিচিটিভিত আৱদ্ধ হৈ ৰয় ৷ কি দৰে পৰিয়ালটোৰ ওপৰত আক্ৰমণ কৰিছিল সেই বিষয়ে আৰক্ষীক জনোৱাৰ পিছতো আৰক্ষীয়ে কোনো ধৰণৰ পদক্ষেপ গ্ৰহণ নকৰাৰ অভিযোগ ভূক্তভোগী পৰিয়ালটোৰ ৷
লগতে পঢ়কঃ বিহাৰত নেপালৰ নাগৰিকে উভালিলে সীতা গোফাত থকা স্তম্ভ
