সেনা বাহিনীৰ বাহনৰ পৰা হঠাৎ ছিটিকি পৰিল গুলী-বাৰুদৰ বাকচ - Accident in Lakhimpur

লখিমপুৰ, ২৪ মে': লখিমপুৰ জিলাৰ বগীনদী অঞ্চলৰ গাগলডুবিত শুকুৰবাৰে সেনা বাহিনীৰ বাহন এখন দুৰ্ঘটনাগ্ৰস্ত হয় । আজি বিয়লি সেনা বাহিনীৰ এটা কনভয়ৰ ডব্লিউ বি ২৩ জি ০১৩৮ নম্বৰৰ বাহনখন দুৰ্ঘটনাত পতিত হয় । সেনা বাহিনীৰ এই কনভয়টোত আছিল সাতখনকৈ বাহন । কনভয়টো গৈ থকা অৱস্থাত বগীনদী অঞ্চলৰ গাগলডুবিত হঠাৎ এই বাহনখনে নিয়ন্ত্রণ হেৰুৱাই ১৫ নং ৰাষ্ট্ৰীয় ঘাইপথৰ ওপৰতে বাগৰি পৰে । এই দুৰ্ঘটনাত বাহনখনৰ পৰা সেনাবাহিনী গুলী-বাৰুদৰ বাকচসমূহ ছিটিকি পৰে ।  

দুৰ্ঘটনাটোত বাহনখনৰ চালকজন গুৰুতৰভাৱে আহত হয় । পিছত তেওঁক লখিমপুৰ মেডিকেল কলেজ হাস্পতালত ভৰ্তি কৰোৱা হয় । সেনা বাহিনীৰ এই কনভয়টো শিলচৰৰ পৰা লখিমপুৰৰ দুলুংমুখলৈ আহিছিল । ঘটনাৰ পাছতে সেনা বাহিনীয়ে বাহনখনৰ পৰা ছিটিকি পৰা সা-সৰঞ্জামসমূহ অন্য বাহনত নিয়াৰ ব্যবস্থা কৰে ।  

লগতে পঢ়ক:ডাম্পাৰ-বাইকৰ সংঘৰ্ষত প্ৰাণ হেৰুৱালে এজনে