প্ৰধানমন্ত্ৰী মোদীক নিৰ্বাচনত প্ৰতিদ্বন্দ্বিতা কৰাত নিষেধাজ্ঞা আৰোপ কৰাৰ দাবী নাকচ উচ্চ ন্যায়ালয়ৰ - DELHI HC REJECT PETITION

নেশ্যনেল ডেস্ক, 29 এপ্ৰিল : প্ৰধানমন্ত্ৰী নৰেন্দ্ৰ মোদীক 6 বছৰৰ বাবে নিৰ্বাচনত প্ৰতিদ্বন্দ্বিতা কৰাত নিষেধাজ্ঞা আৰোপ কৰাৰ আবেদন নাকচ কৰে দিল্লী উচ্চ ন্যায়ালয়ে ৷ ন্যায়াধীশ শচীন দত্তৰ নেতৃত্বত গঠিত বিচাৰপীঠে আৱেদন খাৰিজ কৰাৰ নিৰ্দেশ দিয়ে ৷ আদালতে কয় যে আবেদনকাৰীয়ে আদৰ্শ আচৰণ বিধি উলংঘা কৰা হৈছে বুলি ধৰি লৈছে ৷ কেৱল আৱেদনকাৰীৰ অভিযোগৰ ওপৰত আদালতে নিৰ্বাচন আয়োগক নিৰ্দেশনা দিব নোৱাৰে ৷ শুনানিৰ সময়ত নিৰ্বাচন আয়োগে আবেদনকাৰীৰ অভিযোগ বিবেচনা কৰি থকা বুলি জানিবলৈ দিয়ে ৷

আবেদনখনত প্ৰধানমন্ত্ৰীগৰাকীক ছবছৰৰ বাবে নিৰ্বাচনত প্ৰতিদ্বন্দ্বিতা কৰাত নিষেধাজ্ঞা আৰোপ কৰাৰ দাবী উত্থাপন কৰা হৈছিল ৷ এই আৱেদন দাখিল কৰিছিল অধিবক্তা আনন্দ এছ জোন্ধলেই ৷ আৱেদনখনত প্ৰধানমন্ত্ৰী নৰেন্দ্ৰ মোদীৰ বিৰুদ্ধে ব্যৱস্থা গ্ৰহণৰ দাবী উত্থাপন কৰা হৈছে ৷ আৱেদনখনত উল্লেখ কৰা হৈছে যে প্ৰধানমন্ত্ৰীয়ে যোৱা 9 এপ্ৰিলত উত্তৰ প্ৰদেশত দিয়া ভাষণত হিন্দু আৰু শিখ গুৰুৰ নামত বিজেপিৰ বাবে ভোট বিচাৰিছিল ৷ আবেদনখনত কোৱা হৈছে যে তেওঁৰ ভাষণত প্ৰধানমন্ত্ৰীয়ে বিৰোধীক মুছলমানৰ সৈতে সংযোগ কৰিছিল ৷ নিৰ্বাচনত ধৰ্ম ব্যৱহাৰ কৰাটো জনপ্ৰতিনিধিত্ব আইনৰ স্পষ্ট উলংঘা ৷

আৱেদনখনত প্ৰধানমন্ত্ৰীক ছবছৰৰ বাবে নিৰ্বাচনত প্ৰতিদ্বন্দ্বিতা কৰিবলৈ অযোগ্য ঘোষণা কৰিবলৈ দাবী জনোৱা হৈছিল ৷ প্ৰধানমন্ত্ৰীৰ ভাষণে লোকসভা নিৰ্বাচনত মুক্ত আৰু নিকা নিৰ্বাচনত বাধাৰ সৃষ্টি কৰিব পাৰে বুলি আৱেদনখনত উল্লেখ কৰা হৈছিল ৷ আৱেদনখনত দাবী কৰা হৈছিল যে আদালতে নিৰ্বাচন আয়োগক প্ৰধানমন্ত্ৰীৰ ভাষণৰ প্ৰতি গুৰুত্ব দিবলৈ আৰু প্ৰধানমন্ত্ৰীৰ বিৰুদ্ধে ব্যৱস্থা ল'বলৈ নিৰ্দেশ দিব ৷

আৱেদনখনত কোৱা হৈছিল যে প্ৰধানমন্ত্ৰীয়ে বিমানযোগে সমগ্ৰ দেশ ভ্ৰমণ কৰি এনে ভাষণ দি আছে যিয়ে এটা সম্প্ৰদায়ৰ বিৰুদ্ধে ঘৃণাৰ পৰিৱেশ সৃষ্টি কৰিব পাৰে ৷ সমগ্ৰ দেশতে মুক্ত আৰু নিকা নিৰ্বাচনৰ বাবে এনে ভাষণ নিষিদ্ধ কৰিব লাগে ৷

লগতে পঢ়ক : তিহাৰত অৰবিন্দ কেজৰিৱাল, পত্নীৰ সাক্ষাতৰ আৱেদন নাকচ কাৰাগাৰ কৰ্তৃপক্ষৰ - Sunita Kejriwal Meeting Cancel