رانچی: جھارکھنڈ میں دیوگھر ضلع کے چترا تھانہ علاقے میں سکٹیہ اجے بیراج کے قریب آج صبح ایک گاڑی الٹنے سے پانچ افراد ڈوب کر ہلاک ہو گئے۔ پولیس ذرائع نے بتایا کہ پانچ لوگوں کی موت اس وقت ہوئی جب ان کی بولیرو بے قابو ہو کر سکٹیہ نہر میں گر گئی۔
ذرائع نے بتایا کہ چترا تھانہ علاقہ کے آسنسول گاؤں کے رہنے والے منوج چودھری نے اپنی بیٹی کو رخصت کیا تھا اور بیٹی اور داماد کو گرڈیہ ضلع کے ساکھون گاؤں جانا تھا، لیکن نہر میں ڈوبنے کی وجہ سے ان کی موت ہو گئی۔ ایک ہی خاندان کی بیٹی، داماد، پوتا، پوتی اور ڈرائیور کی موت ہوگئی۔ چترا پولیس اسٹیشن کے انچارج راجیو کمار اور دیگر مقامی گاؤں والوں نے تمام لاشوں کو پانی سے نکال لیا ہے۔