ధాన్యం కొనుగోలు చేయాలంటూ రైతుల రాస్తారోకో

ధాన్యం కొనుగోళ్లను వేగవంతం చేయాలని డిమాండ్​ చేస్తూ నిర్మల్​ జిల్లా భైంసా మండలం కమోల్ గ్రామం వద్ద రైతులు రహదారిపై రాస్తారోకో నిర్వహించారు. ఇప్పటి వరకు తాము అమ్మిన పంటకు డబ్బులు చెల్లించాలని ప్రభుత్వాన్ని కోరారు.

నిర్మల్​ జిల్లా భైంసా మండలం కమోల్​ గ్రామం వద్ద రహదారిపై రైతులు రాస్తారోకో నిర్వహించారు. తాము ఆరుగాలం కష్టపడి పండించిన పంట.. కొనుగోలు కేంద్రాల్లోనే ఉన్నాయని.. వాటి కొనుగోళ్లను వేగవంతం చేయాలని డిమాండ్​ చేశారు. వరి ధాన్యాన్ని దగ్ధం చేసి నిరసన తెలిపారు.

పండించిన పంట చిన్నపాటి వర్షాలకే తడిసిపోయి.. తాము ఇబ్బందులు ఎదుర్కొంటున్నామని రైతులు తెలిపారు. రైతుల వద్ద క్వింటాకు 3 నుంచి 5 కిలోల వరకు కోత విధించడం సరికాదని తెలిపారు. ప్రభుత్వం ఇప్పటికైనా స్పందించి కొనుగోలు చేసిన ధాన్యానికి డబ్బులు చెల్లించాలని కోరారు.