అమెరికాలో రోడ్డు ప్రమాదం.. హైదరాబాద్​ యువతి మృతి

అమెరికా లాన్సింగ్‌ కారు ప్రమాదంలో హైదరాబాద్ నేరెడ్​మెట్​కు చెందిన చరితారెడ్డి అనే యువతి మృతి చెందింది.

అమెరికా మిచిగన్‌లోని లాన్సింగ్‌లో నివాసముంటున్న హైదరాబాద్​కు చెందిన చరితారెడ్డి రోడ్డు ప్రమాదంలో మృతి చెందింది. ప్రమాదంలో ఆమె బ్రెయిన్‌డెడ్‌ అయినట్లు ముస్కేగాన్‌ ఆస్పత్రి వైద్యులు వెల్లడించారు.

సాఫ్ట్​వేర్​ కంపెనీలో పనిచేస్తున్న చరితారెడ్డి కారులో ప్రయాణిస్తున్న సమయంలో వెనుక నుంచి వచ్చిన మరో కారు ఢీకొట్టడం వల్ల ఆమె తీవ్ర గాయాలపాలై కోమాలోకి వెళ్లింది. ఈ ఘటనలో మరో ముగ్గురు కూడా గాయపడ్డారు.

ప్రమాదానికి కారకుడైన వ్యక్తి మద్యం సేవించి కారు నడుపుతున్నట్లు అధికారులు నిర్ధరణకు వచ్చారు. రెండు, మూడు రోజుల్లో చరితారెడ్డి మృతదేహాన్ని హైదరాబాద్‌కు తరలించనున్నారని కుటుంబసభ్యులు తెలిపారు.

ఇవీ చూడండి: 'తనిఖీ నివేదికలు సమర్పించకుంటే నుమాయిష్ నిర్వహించొద్దు'