Virat Kohli Birthday Wishes :2023 వరల్డ్కప్లో భాగంగా భారత్ కోల్కతా ఈడెన్ గార్డెన్స్ వేదికగా సౌతాఫ్రికాతో తలపడుతోంది. అయితే ఈరోజు (నవంబర్ 5) భారత స్టార్ బ్యాటర్ విరాట్ కోహ్లీ బర్త్డే కావడం వల్ల.. టీమ్ఇండియా ఫ్యాన్స్కు ఈ మ్యాచ్ మరింత స్పెషల్గా మారింది. ఈ క్రమంలో రన్ మషీన్ విరాట్కు లక్షలాది ఫ్యాన్స్ వినూత్న రీతిలో బర్త్ డే విషెస్ తెలుపుతున్నారు.
విరాట్కు చిన్నారుల విషెస్.. మ్యాచ్ చూసేందుకు స్టేడియానికి వచ్చిన క్రౌడ్.. ఫ్లెక్స్లు, బ్యానర్లు, ప్లకార్డులతో స్టేడియంలో సందడి చేస్తున్నారు. అయితే మ్యాచ్కు ముందు విరాట్ గ్రౌండ్లో ఉండగా.. చిన్నారులు హుషారుగా అతడి వద్దకు వెళ్లారు. విరాట్ను చుట్టుముట్టి అతడికి షేక్హ్యాండ్ ఇస్తూ.. పుట్టినరోజు శుభాకాంక్షలు తెలిపారు. అలాగే జాతీయ గీతం ఆలపించిన తర్వాత విరాట్ డగౌట్ వైపు నడుస్తుండగా.. బాల్ బాయ్ పరిగెత్తుకుంటూ అతడి వద్దకు వచ్చాడు. విరాట్కు శుభాకాంక్షలు తెలిపి.. అతడి కాళ్లకు నమస్కరించాడు.
లండన్ నుంచి సౌతాఫ్రికా ఫ్యాన్స్.. ఈడెన్ గార్డెన్స్లో ఆదివారం జరగుతున్న మ్యాచ్ చూసేందుకు.. ముగ్గురు సౌతాఫ్రికన్లు లండన్ నుంచి భారత్ వచ్చారు. ఈ మ్యాచ్ను లైవ్లో చూసేందుకు.. టికెట్ను దాదాపు 20 రేట్లు ఎక్కువ వెచ్చించి కొనుగోలు చేసినట్టు వారు ఈటీవీ భారత్తో చెప్పారు. "మ్యాచ్ చూసేందుకు భారత్కు వచ్చాం. ఇక్కడికి వచ్చాక ఇవాళ విరాట్ కోహ్లీ బర్త్డే అని తెలిసింది. ప్రపంచంలో ఉన్న విరాట్ అభిమానుల్లో నేనూ ఒకడిని. అతడి ఆట అద్భుతం. అయితే మా దేశం (సౌతాఫ్రికా) ఈ టోర్నీలో బాగా ఆడుతోంది. అందుకే వారికి సపోర్ట్ చేసేందుకు ఇక్కడికి వచ్చాం." అని అన్నాడు