Tilak Varma ODI World Cup 2023 : వన్డే ప్రపంచ కప్ కోసం క్రికెట్ అభిమానలు ఎంతగానో ఎదురుచూస్తున్నారు. సొంతగడ్డపై ఈ సారి భారత్.. వరల్డ్ కప్ఆడనుంది. 2011లో స్వదేశంలో జరిగిన ప్రపంచ కప్‌ను గెలుపొందిన టీమ్ఇండియా.. ఈసారి కూడా కప్ కొట్టాలనే కసితో ఉంది. అయితే అప్పుడు వరల్డ్ కప్ గెలవడంలో భారత్ బ్యాటర్ యువరాజ్ సింగ్ కీలక పాత్ర పోషించాడు. ఆల్‌రౌండర్ ప్రదర్శనతో అదరగొట్టాడు.
అయితే ఈసారి భారత్.. వరల్డ్ కప్ గెలవాలంటే యువరాజ్ అలాంటి ఆటగాడు అవసరం. రిషబ్ పంత్ గాయపడటం వల్ల.. మిడిలార్డర్‌లో లెఫ్ట్ హ్యాండర్ బ్యాటర్ లేని కొరత కనిపిస్తోంది. కానీ తెలుగు క్రికెటర్ తిలక్ వర్మ ఓ ఆశాకిరణంలా కనిపిస్తున్నాడు. ఇప్పటి వరకూ ఒక్క వన్డే కూడా ఆడకపోయినప్పటికీ.. వెస్టిండీస్ గడ్డ మీద టీ20ల్లో అతడు రాణిస్తున్న తీరు ఆశలు రేపుతోంది. 2011 వరల్డ్ కప్లో యువరాజ్ సింగ్ పోషించిన పాత్రను తిలక్ ఈసారి పోషించగలడని అభిమానులు నమ్మతున్నారు. అతడికి వరల్డ్ కప్ జట్టులో కచ్చితంగా చోటు ఇవ్వాలని ఫ్యాన్స్ డిమాండ్ చేస్తున్నారు.
"తిలక్ ఏ పొజిషన్లోనైనా బ్యాటింగ్ చేయగలడు. పరిస్థితులకు తగ్గట్టుగా ఆడగలడు. అతడో మంచి ఫీల్డర్. అంతే కాదు బౌలింగ్‌లోనూ ఓ చేయి వేయగలడు. కాబట్టి ఆస్ట్రేలియా ఎలాగైతే వరల్డ్ కప్‌కు కొందరు యువ ఆటగాళ్లను నేరుగా ఎంపిక చేసిందో.. బీసీసీఐ కూడా తిలక్ను ఎంపిక చేయాలి" అని ఫ్యాన్స్ కోరుతున్నారు.