Surya Kumar Yadav T20 Records : వెస్టిండీస్తో జరిగిన మూడో టీ20లో టీమ్ఇండియా ప్లేయర్స్ సత్తా చాటారు. నిలవాలంటే గెలవలంటూ జరిగిన ఈ హోరాహోరీ మ్యాచ్లో 6 వికెట్ల తేడాతో హార్దిక్ సేన ఘన విజయాన్ని తన ఖాతాలోకి వేసుకుంది. ఈ మ్యాచ్లో 44 బంతుల్లోనే 83 పరుగులతో రాణించిన సూర్యకుమార్ యాదవ్..'మ్యాన్ ఆఫ్ ద మ్యాచ్'గా నిలిచాడు. తన మెరుపు షాట్లతో బాల్ను బౌండరీ దాటించిన మిస్టర్ 360.. ప్రావిడెన్స్ వేదికగా ఈ అవార్డ్ను అందుకోవడమే కాకుండా మరో 4 రికార్డులను తన పేరిట లిఖించుకున్నాడు. అవేంటంటే..
రాహుల్, గేల్ను మించి..
T20 Sixes Record : విండీస్తో జరిగిన మూడో టీ20లో ఇప్పటి వరకు కేఎల్ రాహుల్ పేరిట ఉన్న సిక్సర్ల రికార్డును సూర్యకుమార్ తన పేరిట రాసుకున్నాడు. ఇప్పటి వరకు ఆడిన 72 టీ20 మ్యాచ్ల్లో 99 సిక్సర్లు కొట్టి.. భారత్ తరఫున అత్యధిక సిక్సర్లు కొట్టిన మూడో ఆటగాడిగా రాహుల్ రికార్డుకెక్కాడు. అయితే సూర్యకుమార్ యాదవ్ మాత్రం ఈ మ్యాచ్లో 4 సిక్సర్లు బాది రాహుల్ను వెనక్కి నెట్టాడు. ఇప్పటి వరకు 51 టీ20లు ఆడిన సూర్య.. విండీస్ మ్యాచ్తో 101 సికర్లను తన ఖాతాలోకి వేసుకున్నాడు.
51 మ్యాచ్ల్లో 101 సిక్సులు బాదిన సూర్య కుమార్.. భారత్ తరఫున సిక్సర్ల సెంచరీ పూర్తి చేసుకున్న మూడో ఆటగాడిగా చరిత్రకెక్కాడు. ఇప్పటి వరకు ఈ లిస్ట్లో రోహిత్, కోహ్లీ మాత్రమే ఉన్నారు. ఇప్పటివరకు ఆడిన 148 టీ20 మ్యాచ్ల్లో రోహిత్ 182 సిక్సర్లు కొట్టగా .. 115 మ్యాచ్లు ఆడిన విరాట్ కోహ్లీ మాత్రం 117 సిక్సర్లు బాదాడు.