Rohit Sharma Captaincy Mantra : టీమ్ఇండియా కెప్టెన్ రోహిత్ శర్మ పగ్గాలు అందుకున్నప్పటి నుంచి జట్టును అద్భుతంగా నడిపిస్తున్నాడు. ఈ క్రమంలో అనేక మంది మాజీల ప్రశంసలను కూడా అందుకుంటున్నాడు. గతేడాది భారత్లో జరిగిన వన్డే వరల్డ్కప్లోనూ జట్టును వరుసగా 10 మ్యాచ్ల్లోనూ జట్టును విజయ తీరాలకు చేర్చాడు. అయితే గ్రౌండ్లో తన వ్యూహాలు ఎలా ఉంటాయి? ప్లేయర్లను ఎలా మేనేజ్ చేస్తాడు? అనే పలు ఆసక్తికర అంశాలపై హిట్ మ్యాన్ తాజాగా ఓ స్పోర్చ్ ఛానెల్ వేదికగా జరిగిన ఇంటర్వ్యూలో చెప్పుకొచ్చాడు.
'ఓ కెప్టెన్గా నేను చాలా వరకు డేటాపై ఆధారపడి పని చేస్తాను. దాన్ని విశ్లేషించి ఆ తర్వాత జట్టుకు తగ్గట్లుగా ప్లాన్స్ రెడీ చేసుకుంటాను. కొత్త ట్రెండ్లను గుర్తించడానికి కూడా నాకు ఎంతో ఉపయోగపడుతుంది. దాని కోసం గంటల కొద్దీ మీటింగ్ రూముల్లోనే గడుపుతుంటాను. ముఖ్యంగా మ్యాచ్‌లో ఊహించని పరిస్థితులను ఎలా ఎదుర్కోవాలనేదానిపై కూడా సిద్ధమవుతుంటాను. పరిస్థితులపై అవగాహన ఉండటం చాలా కీలకం. ఇక మైదానంలోకి దిగే సమయానికి అన్ని రకాల ఇబ్బందులను ఎదుర్కోవడానికి కూడా నేను రెడీగా ఉంటాను. నా ప్లానింగ్‌ ఇలానే ఉంటుంది. కానీ, ఇటువంటి విషయాలను చెప్పి జట్టు సభ్యుల మెదళ్లను నింపేయను. ఎవరికి ఏది అవసరమో, ఎంతవరకు ముఖ్యమో అవే చెప్తాను. ఇక ప్రత్యర్థులు మమ్మల్ని ఎదుర్కోవడానికి ఎలా సిద్ధమవుతున్నారో కూడా తెలుసుకోవాలని అనుకుంటాను" అంటూ రోహిత్ పేర్కొన్నాడు.
కెప్టెన్గా ఆటగాళ్లను సమన్వయం చేసుకోవడం అతిపెద్ద సవాలని రోహిత్ అన్నాడు. "ప్రతి ప్లేయర్ ఆలోచించే విధానం విభిన్నంగా ఉంటుంది. అలాగే వారి అవసరాలు కూడా వేర్వేరుగానే ఉంటాయి. అటువంటి విషయాలను నేను ఓ కెప్టెన్గా తెలుసుకోవాలి. అవసరాన్ని బట్టి వాటిపై స్పందించాలి. ఇక ప్రతి ఆటగాడికి మిగిలిన వారితో సమప్రాధాన్యం కూడా ఇవ్వాలి. అప్పుడే అతడు టీమ్లో ఓ భాగంగా ఫీల్‌ అవుతాడు. ఎవరైనా మన దృష్టికి ఓ సమస్యను తీసుకొస్తే, దాన్ని ఎంతో జాగ్రత్తగా విని దాన్ని సాల్వ్ చేయాలి. వీటన్నింటితో పాటు నేను ఓ కెప్టెన్‌గానే కాకుండా, ప్లేయర్గానూ సిద్ధమవ్వాలి."అని రోహిత్ చెప్పుకొచ్చాడు.
'నువ్వు బ్యాటింగ్ చేయడం నేనైతే చూడలేదు'-కుల్దీప్పై రోహిత్ సెటైర్ - Rohit Sharma Kuldeep Yadav
పొట్టికప్లో కోహ్లీయే టాప్ స్కోరర్- రోహిత్ ప్లేస్ ఎంతంటే? - T20 World Cup 2024
