భారత పురుషుల జట్టు కొత్త కోచింగ్ బృందం కోసం.. భారత క్రికెట్ నియంత్రణ మండలి(బీసీసీఐ)(BCCI News) ఇటీవలే దరఖాస్తులను ఆహ్వానించింది. ఈ మేరకు హెడ్ కోచ్ పదవికి టీమ్ఇండియా మాజీ దిగ్గజం రాహుల్ ద్రవిడ్(Rahul Dravid Indian Team Coach) దరఖాస్తు చేసుకున్నట్లు బీసీసీఐ వర్గాలు పేర్కొన్నాయి.
"రాహుల్ ద్రవిడ్ టీమ్ఇండియా ప్రధాన కోచ్ బాధ్యతలు స్వీకరించేందుకు అంగీకరించాడు. బీసీసీఐకి దరఖాస్తు సమర్పించాడు. బ్యాటింగ్ కోచ్గా విక్రమ్ రాఠోడ్ను నియమించే అవకాశముంది. ప్రస్తుతం భారత జట్టులో మేటి యువ ఆటగాళ్లున్నారు. ద్రవిడ్ కోచింగ్ సాయంతోనే వీరు టీమ్ఇండియా సీనియర్ జట్టులోకి అడుగు పెట్టారు" అని బీసీసీఐ వర్గాలు తెలిపాయి.
కాగా, దిగ్గజ బ్యాట్స్మన్ వీవీఎస్ లక్ష్మణ్(VVS Laxman Latest News) జాతీయ క్రికెట్ అకాడమీ బాధ్యతలు స్వీకరించేందుకు సిద్ధమవుతున్నట్లు సమాచారం. ద్రవిడ్ స్థానంలో లక్ష్మణ్ ఈ బాధ్యతలు చేపట్టాలని చూస్తున్నట్లు తెలుస్తోంది.