ఈ ఏడాది పాకిస్థాన్‌లో నిర్వహించే ఆసియా కప్‌లో టీమిండియా ఆడాలని బెదిరింపులకు పాల్పడ్డ పీసీబీ సీఈవో వసీం ఖాన్‌ తాజాగా మాట మార్చాడు. పాక్ గడ్డపై టీమిండియా... ఆసియా కప్ ఆడకపోతే వచ్చే ఏడాది భారత్లో జరిగే ఐసీసీ టీ20 ప్రపంచకప్‌ను బహిష్కరిస్తామని హెచ్చరించాడు. ఈ విషయంపై పెద్ద చర్చ జరగ్గా.. తన వ్యాఖ్యలపై వివరణ ఇచ్చుకున్నాడు వసీం.
" నేను చెప్పినవన్నీ తప్పుగా అర్థం చేసుకున్నారు. పాక్‌లో ఆసియా కప్ నిర్వహించడానికి ఇప్పటికీ మేం సిద్ధంగానే ఉన్నాం. అయితే భారత్ పాల్గొనే మ్యాచ్లపై ఆసియా క్రికెట్ కౌన్సిలే నిర్ణయం తీసుకోవాలి" అని వసీం పేర్కొన్నాడు.