*నిజమైన ప్రతిభావంతులను ప్రోత్సహించాల్సిన బాధ్యత సినీ ప్రముఖులపై ఉందని ప్రముఖ నటుడు ప్రకాశ్ రాజ్(prakash raj) అన్నారు. కలలతో ఇండస్ట్రీలోకి వచ్చేవారికి తగిన ప్రోత్సాహం ఇవ్వాలని సినీ పెద్దలను కోరారు. అదిత్ అరుణ్, మేఘా ఆకాశ్ 'డియర్ మేఘ'(Dear Megha) చిత్రానికి అభినందనలు తెలిపిన ఆయన.. తొలి టికెట్ను కొనుగోలు చేశారు. తెలుగు రాష్ట్రాలతోపాటు కర్ణాటకలోనూ ఈ చిత్రం భారీ స్థాయిలో విడుదలవుతోంది.
*శ్రియా శరణ్(shriya saran) ప్రధాన పాత్రలో నటించిన చిత్రం 'గమనం'(Gamanam movie). సృజనరావు దర్శకత్వం వహించిన ఈ సినిమా విడుదలకు సిద్ధమవుతోంది. వాస్తవిక సంఘటనల ఆధారంగా అత్యంత సహజంగా చిత్రీకరించిన విధానం ప్రేక్షకులను తప్పకుండా మెప్పిస్తుందని చిత్రబృందం ఆశాభావం వ్యక్తం చేసింది. త్వరలోనే రిలీజ్ డేట్ వెల్లడిస్తామని అన్నారు.