సినిమా స్టార్స్ అంటే ఎవరికి మాత్రం ఇష్టముండదు మరి. కొంత మంది అభిమానులు వారిని మాములుగా ఇష్టపడితే మరికొందరు మాత్రం వారి సోషల్ లైఫ్ నుంచి పర్సనల్ లైఫ్ వరకు అన్నీంటిని తెలుసుకోవాలని ఆరాటపడుతుంటారు. అలాంటి వారి కోసం తమ అభిమాన తరాలు అప్పుడప్పడు తమ లైఫ్లో జరిగిన కొన్ని జ్ఞాపకాలను షేర్ చేస్తుంటారు.
అయితే ఒక్కప్పటి తారల నుంచి ఇప్పటి హీరో హీరోయిన్ల వరకు అందరూ ఏదో ఒక సమయంలో తమ స్కూల్, కాలేజీ లైఫ్ను ఎంజాయ్ చేసి ఉంటారు. వారు కూడా మనలాగే ఎగ్జామ్స్ రాసి పాస్ అయ్యి ఇంత దూరం వచ్చిన వారే ఉంటారు. కొందరు డాక్టర్లు, ఇంజనీర్లు అయినప్పటికీ సినిమా మీద మక్కువతో ఈ ఫీల్డ్లోకి వచ్చుంటారు. మరికొంత మంది చిన్నవయసులోనే సినిమా బాట పట్టుంటారు. అయితే కొన్ని సందర్భాల్లో తమ స్కూల్ లైఫ్ గురించి కచ్చితంగా ఏదో ఒక మధుర జ్ఞాపకాన్ని నెమరు వేసుకుంటుంటారు.
అలా మన టాలీవుడ్ 'శకుంతల' సమంత కూడా తన లైఫ్లోని ఓ మధుర జ్ఞాపకాన్ని సోషల్ మీడియాలో షేర్ చేసింది. అదే.. తన పదవ తరగతి మార్క్లిస్ట్. రీసెంట్గా తన మార్క్లిస్ట్ ఫొటోను ఇన్స్టాగ్రామ్లో షేర్ చేసింది సమంత.
చెన్నైలోని స్టీఫెన్స్ మెట్రిక్యూలేషన్ స్కూల్లో సమంత పదో తరగతి వరకు చదివింది. అప్పటి మార్క్ లిస్ట్లో మొత్తం 1000 మార్కులకు గానూ తనకి 887 మార్కులు వచ్చాయి. మ్యాథ్స్లో వందకు వంద ఇంగ్లీష్లో 90, ఫిజిక్స్లో 95 ఇలా అన్నింటిలోనూ టాప్ స్కోర్ సాధించింది సమంత. తన టీచర్లు సైతం ప్రోగ్రేస్ రిపోర్ట్ మీద సామ్ను అభినందిస్తూ కామెంట్స్ రాశారు. ఈ ఫొటో చూసిన అభిమానులు మా సామ్ నెంబర్1 అంటూ ప్రశంసలు కురిపిస్తున్నారు.
కాగా గత కొంత కాలంగా మయోసైటిస్ అనే ఓ అరుదైన వ్యాధితో బాధపడుతున్న సమంత యశోద సినిమాను పూర్తి చేసి శాకుంతలం సినిమాతో బిజీ అయిపోయింది. ఫిబ్రవరిలో ఈ మైథలాజికల్ మూవీ థియేటర్లలో సందడి చేయనుంది.
