'నా సామిరంగ' ఎఫెక్ట్- నాగ్ ఇంట్లోకి చీటీలు విసిరిన ఫ్యాన్స్

Naa Saami Ranga Thanku You Meet: నా సామిరంగ సినిమా హిట్ టాక్ అందుకోవడం వల్ల మూవీటీమ్ ఆదివారం హైదరాబాద్​లో థాంక్యూ మీట్ నిర్వహించింది. సినిమా హిట్ చేసిన ప్రేక్షకులకు హీరో నాగార్జున థాంక్స్​ చెప్పారు.

Naa Saami Ranga Thanku You Meet:అక్కినేని నాగార్జున కొత్త చిత్రం 'నా సామిరంగ' ఆదివారం (జనవరి 14)న రిలీజై బాక్సాఫీస్ వద్ద దూసుకుపోతోంది. సంక్రాంతి ఫైట్​​లో నాగార్జున మరోసారి సక్సెస్ అందుకున్నారు. మార్నింగ్ నుంచి సినిమాకు పాజిటివ్ టాక్ రావడం వల్ల ఈవినింగ్, నైట్ షోస్​కు బుకింగ్స్​ జోరందుకున్నాయి. ఈ నేపథ్యంలో మూవీయూనిట్ హైదరాబాద్​లో థాంక్యూ మీట్ నిర్వహించింది. ఈ మీట్​లో హీరో నాగార్జున, అల్లరి నరేశ్, తదితరులు పాల్గొన్నారు.

'నా సామిరంగ' ఫలితం తనకెంతో సంతోషాన్నిచ్చిందని నాగార్జున అన్నారు. 'మమ్మల్ని ఆదరించిన రెండు తెలుగు రాష్ట్రాల ప్రేక్షకులకు థాంక్యూ. ఈ సినిమాతో నా ఫ్యాన్స్ హ్యాపీగా ఉన్నారు. వాళ్లు ఆనందాన్ని చూస్తుంటే నాకు తృప్తిగా ఉంది. పొద్దున్నుంచి ఫ్యాన్స్ అందరు కంగ్రాట్స్ అని టీచీపై రాసి ఇంట్లో పడేస్తున్నారు. ఇలాంటి సినిమాలే తీయాలని ఫ్యాన్స్ కోరుకుంటున్నారు. అక్కినేని అభిమానులందికీ మరోసారి ధన్యవాదాలు' అని నాగార్జున అన్నారు.

ఈ సంక్రాంతికి బాక్సాఫీస్ వద్ద పోటీ ఎక్కువగా ఉండడం వల్ల 'నా సామిరంగ' కు థియేటర్లు తక్కువ లభించాయని రిలీజ్​కు ముందు నాగార్జున ఓ ఇంటర్వ్యూలో చెప్పారు. అయితే ఇప్పుడు మూవీకి మంచి టాక్ రావడం వల్ల రేపట్నుంచి పలు ఏరియాల్లో స్క్రీన్స్ పెరిగే ఛాన్స్ ఉన్నట్లు ఇన్​సైడ్ టాక్ వినిపిస్తోంది. మరోవైపు బుకింగ్స్ (Bookings) ​కూడా స్పీడ్​గా పెరిగాయి. ఈవినింగ్ షోస్ అక్యుపెన్సీ (Occupancy) 72.31 శాతం నమోదైనట్లు తెలిసింది.

Naa Saami Ranga Cast: ఈ సినిమాలో టాలీవుడ్ హీరోలు అల్లరి నరేశ్, రాజ్ తరుణ్ కీలక పాత్రల్లో నటించారు. ఆషికా రంగనాథ్, మిర్నా మీనన్, రుక్సార్ దిల్లాన్, రవి వర్మ తదితరులు ఆయా పాత్రలు పోషించారు. ప్రముఖ కొరియోగ్రాఫర్ విజయ్ బిన్ని ఈ సినిమాతో మెగాఫోన్ పట్టారు. ఆయన కంప్లీట్ ఫ్యామిలీ ఎంటర్​టైనర్​గా ఈ సినిమాను తెరకెక్కించారు. ఎమ్ఎమ్ కీరవాణి సంగీతం అందిచగా, పీపుల్స్ మీడియా ఫ్యాక్టరీ బ్యానర్​పై శ్రీనివాస్ చిట్టూరి ఈ సినిమాను నిర్మించారు.