స్టాక్ మార్కెట్లు (Stock Market) సోమవారం దాదాపు ఫ్లాట్గా ముగిశాయి. బీఎస్ఈ-సెన్సెక్స్ (Sensex today) 29 పాయింట్లు పెరిగి కొత్త రికార్డు స్థాయి అయిన 60,078వద్ద స్థిరపడింది. ఎన్ఎస్ఈ-నిఫ్టీ (Nifty today) 2 పాయింట్ల లాభంతో 17,855 వద్దకు చేరింది.
ఆటోమొబైల్ షేర్లు సానుకూలంగా స్పందించగా.. ఐటీ షేర్లు అమ్మకాల ఒత్తిడి ఎదుర్కొన్నాయి. ఫలితంగా సూచీలు ఆద్యంతం ఒడుదొడుకులు ఎదుర్కొన్నాయి. రిలయన్స్ ఇండస్ట్రీస్ షేర్లు జీవితకాల గరిష్ఠాన్ని తాకాయి.
ఇంట్రాడే సాగిందిలా (Intraday)..
సెన్సెక్స్ 60,412 పాయింట్ల అత్యధిక స్థాయి (జీవనకాల గరిష్ఠం), 59,887 పాయింట్ల అత్యల్ప స్థాయిలను నమోదు చేసింది.
నిఫ్టీ 17,943 పాయింట్ల గరిష్ఠ స్థాయి (కొత్త గరిష్ఠం), 17,802 పాయింట్ల కనిష్ఠ స్థాయిల మధ్య కదలాడింది.