దేశ రాజధాని దిల్లీలో కాలుష్యాన్ని తగ్గించేందుకు ఆప్‌ సర్కారు మరో కీలక నిర్ణయం తీసుకుంది. పొల్యూషన్‌ సర్టిఫికెట్ ఉన్న వాహనాలకే ఇంధనం పోసేలా నిర్ణయం తీసుకున్నట్లు దిల్లీ పర్యావరణ శాఖ మంత్రి గోపాల్‌ రాయ్‌ తెలిపారు. ఈ నిబంధన ఈ నెల 25 నుంచి అమల్లోకి రానుందన్నారు. పర్యావరణ, రవాణా, ట్రాఫిక్‌ విభాగాలకు చెందిన అధికారులతో జరిగిన భేటీలో ఈ మేరకు నిర్ణయం తీసుకున్నట్లు మంత్రి గోపాల్‌ రాయ్‌ తెలిపారు. త్వరలోనే నోటిఫికేషన్‌ విడుదల చేయనున్నట్లు చెప్పారు.
ఇకపై ఆ సర్టిఫికెట్ లేకపోతే నో పెట్రోల్, డీజిల్!
దేశ రాజధాని దిల్లీలో కాలుష్యాన్ని తగ్గించేందుకు పొల్యూషన్‌ సర్టిఫికెట్ ఉన్న వాహనాలకు మాత్రమే పెట్రోల్, డీజిల్ పోసేలా నిర్ణయం తీసుకున్నట్లు ఆ రాష్ట్ర పర్యావరణ శాఖ మంత్రి గోపాల్‌ రాయ్‌ తెలిపారు. ఈ నెల 25 నుంచి 'నో పీయూసీ.. నో ఫ్యూయల్‌' అమల్లోకి రానుందని తెలిపారు.
puc-must-for-buying-fuel-in-delhi-from-oct-25
ఒకవేళ పొల్యూషన్‌ సర్టిఫికెట్ లేకుండా పట్టుబడితే మోటారు వాహనాల చట్టం ప్రకారం.. ఆరు నెలల వరకు జైలు శిక్ష లేదా రూ.10 వేల వరకు జరిమానా విధించొచ్చు. కొన్ని సందర్భాల్లో రెండూ విధించొచ్చు. 'నో పీయూసీ.. నో ఫ్యూయల్‌'పై ఈ ఏడాది మార్చి 3న ప్రజల నుంచి అభిప్రాయాలు తీసుకున్నామని, ఎక్కువ మంది దీన్ని అమలుకు మొగ్గు చూపడం వల్ల ఈ విధానం తీసుకొస్తున్నామని రాయ్‌ వెల్లడించారు.
2022 జులై నాటికి దిల్లీలో సుమారు 13 లక్షల ద్విచక్రవాహనాలు, 3లక్షల కార్లుసహా మొత్తం 17లక్షల వాహనాలు పొల్యూషన్‌ సర్టిఫికేట్‌ లేకుండానే రాకపోకలు సాగిస్తున్నట్లు తేలటం వల్ల దిల్లీ ప్రభుత్వం ఈ నిర్ణయం తీసుకున్నట్లు అధికారవర్గాలు తెలిపాయి.
Last Updated : Oct 1, 2022, 6:13 PM IST