Ritika Vs AnushkaRohith Sharma Captaincy : టీమ్ఇండియా మాజీ కెప్టెన్ విరాట్ కోహ్లీ, ప్రస్తుత సారథి రోహిత్ శర్మ అభిమానుల మధ్య ఎప్పుడూ ఏదో ఒక వార్ జరుగుతూనే ఉంటంది. తాజాగా సోషల్ మీడియాలో మరోసారి మాటల యుద్ధానికి తెరలేచింది. ముంబయి ఇండియన్స్ కెప్టెన్సీ మార్పును తప్పుపడుతూ రోహిత్ శర్మ భార్య రితికా సజ్దే చేసిన కామెంట్‌పై నెట్టింట్లో పెద్ద చర్చే జరుగుతోంది. అయితే ఈ చర్చలోకి విరాట్ భార్య అనుష్క శర్మ పేరును కూడా లాక్కొచ్చి రచ్చ చేస్తున్నారు నెటిజన్లు. దీంతో అనుష్క, రితికా పేర్లు ఎక్స్లో ట్రెండింగ్గా నిలిచాయి.
వివరాల్లోకి వెళితే. ముంబయి ఇండియన్స్(Mumbai Indians Captaincy) హెడ్ కోచ్ మార్క్ బౌచర్ - రోహిత్ శర్మను సారథ్య బాధ్యతల నుంచి ఎందుకు తప్పించారో అసలు కారణాన్ని వివరించాడు. ఇది కేవలం ఆటను దృష్టిలో పెట్టుకుని మాత్రమే తీసుకుందని, ఉద్దేశపూర్వకంగా తీసుకున్నది కాదని క్లారిటీ ఇచ్చాడు. అయితే ఈ వ్యాఖ్యలను హైలైట్ చేస్తూ సోషల్ మీడియాలో హిట్ మ్యాన్ భార్య రితికా రియాక్ట్ అయింది. 'ఈ నిర్ణయంలో చాలా తప్పులున్నాయి' అంటూ కామెంట్ చేసింది.