ଭୁବନେଶ୍ବର: ଆଗାମୀ 2024 ବିଧାନସଭା ନିର୍ବାଚନ ପାଇଁ ପ୍ରାର୍ଥୀ ଚୟନକୁ ନେଇ ଚଳଚଞ୍ଚଳ କଂଗ୍ରେସ ଶିବିର । ପିସିସି ସଭାପତି ଶରତ ପଟ୍ଟନାୟକଙ୍କ 9 ରୁ 90 ମିଶନକୁ ସଫଳ କରିବା ପାଇଁ ପିସିସି ପୁରା ଦମ ଲଗାଇଛି । ସାଧାରଣ ନିର୍ବାଚନ ର 6 ମାସ ପୂର୍ବରୁ ପ୍ରାର୍ଥୀ ଚୟନ ଉପରେ କଂଗ୍ରେସ ଗୁରୁତ୍ବ ଦେଉଛି । ସାଧାରଣ ନିର୍ବାଚନରେ ଶାସକ ଦଳକୁ କ୍ଷମତାଚ୍ୟୁତ କରିବା ପାଇଁ ସଦଳବଳେ ଅଣ୍ଟା ଭିଡ଼ିଲା କଂଗ୍ରେସ । ଏଥିପାଇଁ ପ୍ରତ୍ୟେକ ନିର୍ବାଚନ ମଣ୍ଡଳୀରେ ଯୋଗ୍ୟ ପ୍ରାର୍ଥୀଙ୍କ ତାଲିକା ପ୍ରସ୍ତୁତ କରି ତୁରନ୍ତ ପିସିସିକୁ ପଠାଇବାକୁ ପିସିସି ସଭାପତି ଶରତ ପଟ୍ଟନାୟକ ଜିଲ୍ଲା ସଭାପତି ମାନଙ୍କୁ ଚିଠି ଲେଖି ନିର୍ଦ୍ଦେଶ ଦେଇଛନ୍ତି ।
ଏନେଇ ପ୍ରତି ନିର୍ବାଚନ ମଣ୍ଡଳୀରେ ବ୍ଲକ, ଜିଲ୍ଲା ସଭାପତି ମାନେ ଯୋଗ୍ୟ ପ୍ରାର୍ଥୀଙ୍କ ଚିଠା ପ୍ରସ୍ତୁତ କରିବେ, ଜିତିବା ସମ୍ଭାବନା ଥିବା ପ୍ରାର୍ଥୀଙ୍କୁ ଅଗ୍ରାଧିକାର ଦେଇ ଜିଲ୍ଲା ସଭାପତି ମାନେ ତାଲିକା ପଠାଇବେ । ମାସକ ଭିତରେ ପ୍ରତି ନିର୍ବାଚନ ମଣ୍ଡଳୀରୁ 3 ରୁ 4ଟି ଲେଖାଏଁ ନାଁ ପଠାଇବେ କରିବେ ଜିଲ୍ଲା ସଭାପତି ମାନେ । ନିର୍ବାଚନ ସମୟରେ ଯେମିତି ପ୍ରାର୍ଥୀ ଖୋଜାରେ କୌଣସି ଅସୁବିଧା ନହୁଏ ତାକୁ ଧ୍ୟାନ ଦେଇ ପିସିସି ପକ୍ଷରୁ ନିର୍ବାଚନର ଯଥେଷ୍ଟ ସମୟ ପୂର୍ବରୁ ପ୍ରତି ନିର୍ବାଚନ ମଣ୍ଡଳୀରେ 3 ରୁ 5ଜଣ ବିଧାୟକ ପ୍ରାର୍ଥୀ ଏବଂ ସାଂସଦ ପ୍ରାର୍ଥୀଙ୍କ ଚିଠା ପ୍ରସ୍ତୁତ କରି ଦେବାକୁ ଶରତ ପଟ୍ଟନାୟକ ନିର୍ଦ୍ଦେଶ ଦେଇଛନ୍ତି । ସବୁଠୁ ଗୁରୁତ୍ବପୂର୍ଣ୍ଣ କଥା ହେଉଛି ଆସନ୍ତା ସାଧାରଣ ନିର୍ବାଚନରେ ଆଉ ରହିବ ନାହିଁ ସୁପାରିଷ ରାଜନୀତି । କୌଣସି ଗୋଷ୍ଠୀ କିମ୍ବା ବଡ଼ ନେତାଙ୍କ ସୁପାରିଶର ଆବଶ୍ୟକତା ନାହିଁ । ତୃଣମୁଳ ସ୍ତରରେ ଯେଉଁମାନେ ସକ୍ରିୟ ଅଛନ୍ତି, ଜିତିବାର ସମ୍ଭାବନା ଅଛି ,ନିର୍ବାଚନ ମଣ୍ଡଳୀରେ ଗ୍ରହଣୀୟ ତା ରହିଛି, ଲୋକଙ୍କ ସହ ଯିଏ ରହିଛନ୍ତି ସେମାନେ ଟିକେଟ ପାଇବାର ସମ୍ଭାବନା ଅଧିକ ବୋଲି ପିସିସି ସଭାପତି କହିଛନ୍ତି ।
ଅଧିକ ପଢନ୍ତୁ- ଓଡିଶାରେ ପ୍ରତିଷ୍ଠା ହେବ କଂଗ୍ରେସ ଶାସନ: ଶରତ ପଟ୍ଟନାୟକ