ନିମାପଡ଼ା: 2ରୁ 3 ବର୍ଷ ପୂର୍ବେ ଅଏଲ ଇଣ୍ଡିଆ କମ୍ପାନୀ ପୁରୀ ଜିଲ୍ଲା ମହଳପଡ଼ା ପଞ୍ଚାୟତ ଚିତ୍ରା ଗାଁରେ ଗ୍ୟାସ୍, ପେଟ୍ରୋଲ ଓ ଡିଜେଲ ବାହାର କରିବାକୁ ନେଇ ଖନନ କାର୍ଯ୍ୟ ଆରମ୍ଭ କରିଥିଲା । ଖନନବେଳେ ମେସିନରୁ ବାହାରି ଥିବା ଅଳିଆ ଆବର୍ଜନା ପାଣି ଓ କେମିକାଲ ପାଣିକୁ ସ୍ଥାନୀୟ ଚାଷୀଙ୍କ 4ରୁ 5 ଏକର ଚାଷ ଜମିରେ ଛାଡିଥିଲା । ଯାହାପାଇଁ 25 ଲକ୍ଷ ଟଙ୍କା ଦେବାକୁ ଚୁକ୍ତି କରିଥିଲା କମ୍ପାନୀ । ସେପଟେ ତୈଳ ଗ୍ୟାସ ନବାହାରିବାରୁ କମ୍ପାନୀ ଯିବାକୁ ବସିଛି । କିନ୍ତୁ ଚାଷୀମାନଙ୍କୁ ଏପର୍ଯ୍ୟନ୍ତ କୌଣସି କ୍ଷତିପୂରଣ ମିଳିନାହିଁ । ଯାହାକୁ ନେଇ 18 ଜଣ ଚାଷୀ କମ୍ପାନୀ କର୍ମକର୍ତ୍ତାଙ୍କ ସହ ଯୋଗାଯୋଗ କରିଥିଲେ ମଧ୍ୟ କେହି କର୍ଣ୍ଣପାତ କରୁନଥିବା ଅଭିଯୋଗ ହୋଇଛି । ଆଜି 18 ଜଣ ଚାଷୀ କୋଣାର୍କ ଥାନା ସମ୍ମୁଖରେ ଧାରଣା ଦେଇଛନ୍ତି ।
ଇଟିଭି ଭାରତ, ନିମାପଡ଼ା