କଟକ: ଜବାହାରଲାଲ ନେହେରୁ ଇଣ୍ଡୋର ଷ୍ଟାଡିୟମରେ ଆରମ୍ଭ ହୋଇଛି ଅଷ୍ଟମ ସର୍ବଭାରତୀୟ ସୋତକାନ୍ କରାଟେ ଚାମ୍ପିଆନସିପ । ୨ ଦିନ ଧରି ଚାଲିବାକୁ ଥିବା ଏହି ଚାମ୍ପିଆନସିପରେ ୫ ରାଜ୍ୟର ୪୨୦ ପ୍ରତିଯୋଗୀ ଅଂଶଗ୍ରହଣ କରିଛନ୍ତି ।
ଆରମ୍ଭ ହେଲା ସର୍ବଭାରତୀୟ କରାଟେ ଚାମ୍ପିଆନସିପ୍
ଏହି ପ୍ରତିଯୋଗୀତାରେ ୫ ବର୍ଷରୁ ୩୯ ବର୍ଷ ବୟସ ବର୍ଗର ଖେଳାଳିଙ୍କ ମଧ୍ୟରେ ପ୍ରତିଦ୍ବନ୍ଦିତା ହେଉଛି । ଏହି ଚାମ୍ପିୟନସିପରେ ଓଡିଶା, ଝାଡ଼ଖଣ୍ଡ, ପଶ୍ଚିମବଙ୍ଗ, ଆସାମ ଓ ଛତିଶଗଡର ୪୨୦ ପ୍ରତିଯୋଗୀ ଅଂଶଗ୍ରହଣ କରିଛନ୍ତି । ଏହି ପ୍ରତିଯୋଗୀତା ୨ ଦିନ ଧରି ଚାଲିବ । ଓଡିଶା ତଥା ବାହାର ରାଜ୍ୟର ଖେଳାଳୀଙ୍କ ପାଇଁ ଏହା ଏକ ବଡ଼ ସୁଯୋଗ ଅଟେ । ତେବେ ଦିନକୁ ଦିନ ମାର୍ଶାଲ ଆର୍ଟର ଚାହିଦା ବଢୁଥିବାରୁ ଏହି ଜାତୀୟ କରାଟେ ଚାମ୍ପିୟନସିପ ଓଡିଶାରେ ମାର୍ଶାଲ ଆର୍ଟର ଆହୁରି ପ୍ରସାର ଘଟାଇବ ମତ ପ୍ରକାଶ ପାଇଛି ।