କଟକ: ଅନାମଙ୍କୁ ମିଳିଲା ଜାମିନ । ଆୟ ବହିର୍ଭୁତ ସମ୍ପତ୍ତି ଠୁଳ ଅଭିଯୋଗରେ ଭିଜିଲାନ୍ସ ଦ୍ବାରା ଗିରଫ ହୋଇଥିବା ଭବାନୀପାଟଣା ପୂର୍ବତନ ବିଜେଡି ବିଧାୟକ ଅନାମଙ୍କୁ ମିଳିଛି ସର୍ତ୍ତମୂଳକ ଜାମିନ । ବୁଧବାର ହାଇକୋର୍ଟ ପ୍ରଦାନ କରିଛନ୍ତି ଏହି ସର୍ତ୍ତମୂଳକ ଜାମିନ ।
ଅନାମ ନାୟକଙ୍କୁ ମିଳିଲା ଜାମିନ
ସୂଚନା ଅନୁଯାୟୀ, ଗତ ଜାନୁଆରୀ ୧୭ ତାରିଖରେ ପୂର୍ବତନ ବିଧାୟକ ଅନାମଙ୍କ ଭବାନୀପାଟଣାସ୍ଥିତ ନକଟିଗୁଡା ବାସଭବନ, ପୁରୁଣାପଡା ଛକ ନିକଟରେ ଥିବା ନିର୍ମାଣଧୀନ ଲଜ ଓ ମଦନପୁର ରାମପୁରସ୍ଥିତ ହୋଟେଲ ଉପରେ ଭିଜିଲାନ୍ସ ଚଢ଼ାଉ କରିଥିଲା । ଚଢ଼ାଉ ସମୟରେ ବହୁ ପରିମାଣର ଜମି ଓ ଅନ୍ୟାନ୍ୟ ସମ୍ପତ୍ତିର ଗୁରୁତ୍ବପୂର୍ଣ୍ଣ କାଗଜପତ୍ର ଜବତ କରିଥିଲା ଭିଜିଲାନ୍ସ ବିଭାଗ । କେବଳ ସେତିକି ନୁହେଁ ୩ କୋଟି ୪୨ ଲକ୍ଷ ୪୯ ହଜାର ୪୦୨ ଟଙ୍କାର ସମ୍ପତ୍ତି ମଧ୍ୟ ଠାବ କରିଥିଲା ଭିଜିଲାନ୍ସ ।