ଭୁବନେଶ୍ବର: ପିହୁ ନିଖୋଜ ହେବାକୁ ଦୁଇ ବର୍ଷ ବିତିବାକୁ ବସିଛି । ହେଲେ ଏଯାଏଁ ତାର କୌଣସି ସନ୍ଧାନ ଖୋଜିବାରେ ବିଫଳ ରହିଛି ପୋଲିସ । ପିହୁ ଖୋଜିବା ପାଇଁ ମାଆ ବାରମ୍ବାର ପୋଲିସ,ଶିଶୁ ସୁରକ୍ଷା ଅଧିକାରୀଙ୍କ ଦ୍ବାରସ୍ତ ହୋଇଥିଲେ ସୁଦ୍ଧା କିଛି ଲାଭ ହୋଇନି । ଶେଷରେ ସିବିଆଇ ତଦନ୍ତ କରାଇବା ପାଇଁ ସୁପାରିସ୍ କରାଇବାକୁ ଦାବି କରିଥିଲେ ପିହୁର ମାଆ (CBI investigation in Pihu Missing case)। ଏଥିପାଇଁ ୧୪ ଦିନ ସମୟ ଦେଇଥିଲେ । ଏହାପରେ ଆଜି ରାଜ୍ୟ ଶିଶୁ ସୁରକ୍ଷା କାର୍ଯ୍ୟାଳୟ ସମ୍ମୁଖରେ ଆମରଣ ଅନଶନରେ ବସିଛନ୍ତି ପିହୁର ମାଆ ମୋନାଲିସା ନାୟକ(mother of pihu sat on hunger strike) ।
Pihu Missing Case: ଆମରଣ ଅନଶନରେ ବସିଲେ ପିହୁର ମାଆ ଏହା ବି ପଢ଼ନ୍ତୁPihu Missing Case: 2 ବର୍ଷ ପରେ ପୋଲିସର ତତ୍ପରତା, ପିହୁ ସମ୍ପର୍କରେ ସୂଚନା ଦେଲେ ମିଳିବ ୫ଲକ୍ଷ ପୁରସ୍କାର
ଏହାକୁ (Pihu Missing Case) ନେଇ ମୋନାଲିସା କହିଛନ୍ତି, "ପୋଲିସ ତଦନ୍ତ ଉପରେ ମୋର ଭରସା ନାହିଁ । ଯଦି ପୋଲିସ ତଦନ୍ତ କରୁଛି ତେବେ କାହିଁକି ମିଳୁ ନାହିଁ ମୋ ଛୁଆ । ସେତେବେଳେ ଆଇଆଇସି ଓ ତଦନ୍ତକାରୀ ଅଧିକାରୀଙ୍କ ଶିଥିଳ ତଦନ୍ତ ଯୋଗୁଁ ହଜିଗଲା ମୋ ଛୁଆ । ମୁଁ ଏ ନେଇ ଡିଜିପି, ଏସ୍ପିଙ୍କ ଠାରୁ ଆରମ୍ଭ କରି ରାଜ୍ୟ ଶିଶୁ ଅଧିକାର ସୁରକ୍ଷା ଆୟୋଗଙ୍କ ବାରମ୍ବାର ଦୃଷ୍ଟି ଆକର୍ଷଣ କରିଛି । ଏବେ ମୋର ଆଉ ଏମାନଙ୍କ ଉପରେ ଭରସା ନାହିଁ । ଗତ ଅଗଷ୍ଟ ୨୯ରେ ଏଠାକୁ ଆସିଥିଲି । ୧୪ ଦିନ ସମୟ ନେଇଥିଲି । ଏବେ ୧୭ ଦିନ ହୋଇଗଲା । ମୋର ଛୁଆ ଦରକାର। ନଚେତ୍ ମୋର ଇଚ୍ଛା ମୃତ୍ୟୁକୁ ସରକାର ଅନୁମତି ଦିଅନ୍ତୁ । ଯଦି CBI ତଦନ୍ତ ନହୁଏ ତେବେ ମୁ ଏଠାରୁ ହଟିବି ନାହିଁ ।"
ଅନଶନରେ ବସିବା ପରେ ରାଜ୍ୟ ଶିଶୁ ଅଧିକାର ସୁରକ୍ଷା କମିଶନ ପହଞ୍ଚି ପିହୁର ମାଆଙ୍କୁ ଭେଟିଛନ୍ତି । ତଦନ୍ତରେ ବିଳମ୍ବ ହୋଇଥିବା ସ୍ବୀକାର କରିଛନ୍ତି । ପିହୁ ନିଖୋଜ ଘଟଣାର ସିବିଆଇ ତଦନ୍ତ ସୁପାରିଶ ଦାବି ସମ୍ପର୍କିତ ଚିଠିକୁ ଅଗଷ୍ଟ ୨୯ ତାରିଖରେ ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟକୁ ପଠାଇଥିଲେ ।
୨୦୨୦ ମସିହା ଅଗଷ୍ଟ ୯ ତାରିଖରେ ଅପରାହ୍ନ ପ୍ରାୟ ୩ଟା ବେଳେ ଗାଁ ଦାଣ୍ଡରେ ଖେଳୁଥିବା ସମୟରେ ହଟାତ୍ ନିଖୋଜ ହୋଇଯାଇଥିଲା ୨ ବର୍ଷର କୁନି ଝିଅ ଶୁଭଲକ୍ଷ୍ମୀ ନାୟକ ଓରଫ୍ ପିହୁ । ପିହୁର କୌଣସି ସନ୍ଧାନ ନମିଳିବାରୁ ପୋଲିସ ପ୍ରଶାସନର ଦ୍ବାରସ୍ଥ ହୋଇଥିଲେ ତାର ବାପାମାଆ । ପୋଲିସରେ ପିହୁ ନିଖୋଜ ନେଇ ଏତଲାକୁ 2 ବର୍ଷ ବିତିଛି । ପୋଲିସ ଏ ସମ୍ପର୍କରେ ତଦନ୍ତ ଚାଲିଥିବା କଥା କହି ଚୁପ୍ ବସିଥିବା ଅଭିଯୋଗ କରିଛନ୍ତି ପରିବାର ଲୋକ ।
