আহোম যুগৰ হিলৈ চাবলৈ ৰাইজৰ হেতা-ওপৰা
Published : Dec 23, 2023, 7:33 PM IST
চৰাইদেউ,২৩ ডিচেম্বৰ:আহোম ৰাজশাসনৰ ঐতিহাসিক সমলেৰে ভৰপূৰ চৰাইদেউৰ সোণাৰিত আহোম যুগৰ সম্পদ উদ্ধাৰ । সোণাৰিৰ ২ নং লালটি পথাৰত উদ্ধাৰ আহোম যুগৰ হিলৈ উদ্ধাৰ । অঞ্চলটোৰ পূৰ্ণ লাহন নামৰ এজন লোকৰ বাৰীত পুখুৰী খান্দোতে শনিবাৰে উদ্ধাৰ হয় হিলৈটো । প্ৰায় ছয় ফুট দৈৰ্ঘ্যৰ হিলৈটোৰ ওজন ৩০ কিলোগ্ৰাম বুলি জানিব পৰা গৈছে । আনহাতে শনিবাৰে পুৱাৰ ভাগতে ঐতিহাসিক সম্পদটো উদ্ধাৰ হোৱা বিষয়ে প্ৰশাসনক অৱগত কৰাৰ পাছতো বৰ্তমানলৈকে উপস্থিত হোৱা নাই বিভাগীয় কৰ্তৃপক্ষ ।
মন কৰিবলগীয়া যে, চৰাইদেউ জিলাৰ বিভিন্ন প্ৰান্তত ইতিপূৰ্বেও আহোম যুগৰ সম্পদ উদ্ধাৰ হৈছিল । পুখুৰীৰগৰাকী পূৰ্ণ লাহনে জানিবলৈ দিয়া অনুসৰি শুকুৰবাৰৰে পৰা পুখুৰীটো খান্দি থকা হৈছিল যদিও শনিবাৰে পুৱা আহোম যুগৰ হিলৈটো উদ্ধাৰ হয় । উদ্ধাৰ হোৱা হিলৈটো চাবলৈ অঞ্চলটোত ৰাইজে ভিৰ কৰিছে পূৰ্ণ লাহনৰ গৃহত ।