তেজপুৰ,7 ছেপ্টেম্বৰ: অৰুণাচল প্ৰদেশত সন্ধান পোৱা হৈছে দুটা নতুন বিৰল প্ৰজাতিৰ পৰুৱাৰ ৷ বাংগালুৰুৰ অশোক ট্ৰাষ্ট ফৰ ৰিচাৰ্চ ইন ইক'লজী এণ্ড দ্য এনভাৰমেণ্ট (ATRI)ৰ বিজ্ঞানীৰ এটা দলে বিচাৰি পাইছে এই পৰুৱা দুবিধৰ সন্ধান ৷ বিজ্ঞানীৰ দলটোৱে জনোৱা মতে, পৰুৱাৰ এই প্ৰজাতি দুটা হৈছে পেৰাচিচিয়া গণেশায়ী আৰু চিচিয়া ইণ্ডিকা ৷ অৰুণাচল প্ৰদেশ ঈগলনেষ্ট বন্যপ্ৰাণী অভয়াৰণ্যত আৱিষ্কাৰ কৰা হৈছে এই দুবিধ বিৰল প্ৰজাতিৰ পৰুৱা ৷
উল্লখ্য যে, এই নতুন আৱিষ্কাৰটো জুকীজ আলোচনীখনৰ শেহতীয়া সংখ্যাত প্ৰকাশিত হৈছিল ৷ যিহেতু অশোক ট্ৰাষ্ট ফৰ ৰিচাৰ্চ ইন ইক'লজী এণ্ড দ্য এনভাৰমেণ্টয়ে 2021 বৰ্ষতে ইয়াৰ ৰূপালী জয়ন্তী উদযাপন কৰিব ৷ সেইয়ে ইয়াৰ এজন প্ৰতিষ্ঠাপক অধ্যাপক তথা বিশিষ্ট চিন্তাবিদ আৰু লেখক কে.এন. গণেশায়ৰ সন্মানত এটা প্ৰজাতিৰ নাম পেৰাচিচিয়া গণেশৈচি বুলি নামাকৰণ কৰা হৈছে ৷ গণেশায়ৰে ATRI ত পতংগ টেক্সনমি-1 সংৰক্ষণ গৱেষণাগাৰ স্থাপনত গুৰুত্বপূৰ্ণ ভূমিকা পালন কৰিছিল ৷
আনহাতে আনটো প্ৰজাতিক ভাৰতৰ এটা প্ৰজাতিৰ প্ৰথম অভিলেখ হিচাপে চিচিয়া ইনচেডিক নাম দিয়া হৈছে ৷ উল্লেখ্য যে, ঈগলনেষ্ট বন্যপ্ৰাণী অভয়াৰণ্য অৰুণাচল প্ৰদেশৰ পশ্চিম কামেং জিলাৰ হিমালয়ৰ পাদদেশত অৱস্থিত ৷
আনহাতে পাক্কে ব্যাঘ্ৰ সংৰক্ষিত অঞ্চল আৰু টেঙ্গা আৰ্মি কেণ্টনমেণ্ট এলেকাৰ পিছফালে থকা প্ৰকৃতি উৎসাহী আৰু দুঃসাহসী সকলৰ বাবে এক আশ্ৰয়স্থল হিচাপে চিহ্নিত ৷ এই ইডব্লিউএছৰ থিয় পাহাৰবোৰ 218 বৰ্গ কিলোমিটাৰ জুৰি বিস্তৃত ৷ সাগৰ পৃষ্ঠৰ পৰা 500 মিটাৰৰ পৰা 3250 মিটাৰ উচ্চতাৰ মাজত থকা এই অৰণ্যবোৰত প্ৰকৃতি বিদসকলৰ বাবে বহুতো আশ্চৰ্য লুকাই থাকে ৷