নগাঁও, 27 ছেপ্টেম্বৰ : কৃষি আইন বাতিলৰ দাবীত আহ্বান জনোৱা ভাৰত বন্ধৰ অৰ্ধ শতাধিক সমৰ্থকক আটক কৰিছে নগাঁও আৰক্ষীয়ে । ছাত্ৰ মুক্তি সংগ্ৰাম সমিতি, চিপিআই, চিপিআইএমকে ধৰি কেইবাটাও দল-সংগঠনে বন্ধৰ সমৰ্থনত গ্ৰহণ কৰিছিল প্ৰতিবাদী কাৰ্যসূচী । নগাঁও চহৰৰ মতিৰাম বৰা ক্ষেত্ৰত প্ৰতিবাদ সাব্যস্ত কৰাৰ সময়তে আৰক্ষীয়ে আটক কৰে প্ৰতিবাদকাৰীসকলক ।
উল্লেখ্য যে, তিনিখনকৈ কৃষি আইনৰ বিৰোধিতাৰে কেইবাটাও বামপন্থী দল-সংগঠনে সোমবাৰে আহ্বান জনোৱা ভাৰত বন্ধৰ প্ৰভাৱ নগাঁৱতো সৰ্বাত্মক ৰূপত পৰা পৰিলক্ষিত হয় । সোমবাৰে পুৱা নগাঁও সদৰ আৰক্ষীয়ে ১৪ জনকৈ বন্ধৰ সমৰ্থকক আটক কৰে ৷ ইয়াৰ পাছতেই পুনৰ বন্ধৰ সমৰ্থনত ১৪ জনকৈ সমৰ্থকক আৰক্ষীয়ে আটক কৰাৰ প্ৰতিবাদত আন একাংশ সমৰ্থকে প্ৰতিবাদী সমদল বাহিৰ কৰে ।