মাজুলী, 13 ছেপ্টেম্বৰ :মাজুলীত উপস্থিত হয় অসম জাতীয় পৰিষদৰ সভাপতি লুৰীণ জ্যোতি গগৈসহ এটা প্ৰতিনিধি দল (Lurin Jyoti Gogoi in Majuli) ৷ এই প্ৰতিনিধি দলটোৰ হৈ মঙলবাৰে অসম জাতীয় পৰিষদৰ সভাপতি লুৰীণ জ্যোতি গগৈয়ে মাজুলীৰ গড়মূৰস্থিত শ্ৰীমন্ত শংকৰদেৱ কৃষ্টি সংঘত আয়োজন কৰে এখনি সংবাদ মেলৰ ৷ এই সংবাদ মেলতে কেবাটাও গুৰুত্বপূৰ্ণ মন্তব্য কৰে অসম জাতীয় পৰিষদৰ সভাপতিগৰাকীয়ে ৷
এই সংবাদ মেলতে লুৰীণ জ্যোতি গগৈয়ে বান গৰাখহনীয়াক ৰাষ্ট্ৰীয় সমস্যা হিচাপে ঘোষণা কৰিবলৈ দাবী জনায় ৷ কিয়নো স্বাধীনতাৰ পাচৰ পৰা অসমৰ বান আৰু গৰাখহনীয়াত যিমান হেৰুৱাব লগীয়া হৈছে দেশৰ বাকী কেইখন ৰাজ্য মিলালেও সিমান হেৰুৱাব লগীয়া হোৱা নাই বুলি এই সংবাদ মেলত মন্তব্য কৰে জাতীয় পৰিষদৰ সভাপতিগৰাকীয়ে ।
মাজুলী যোৰহাট সংযোগী দলংখন এখনি পুতলা দলং : লুৰীণ জ্যোতি গগৈ