লখিমপুৰ,১৫ ছেপ্টেম্বৰ:আজি পবিত্ৰ ভাদ মাহৰ কৃষ্ণা পঞ্চমী তিথি তথা অসমীয়া জাতীয় জীৱনৰ দুগৰাকী দিগ দৰ্শন কৰোতা মহাপুৰুষৰ অন্যতম মাধৱদেৱৰ 426 সংখ্যক তিৰোভাৱ তিথি ৷ মহাপুৰুষগৰাকীৰ তিৰোভাৱ তিথি উপলক্ষে ৰাজ্যৰ বিভিন্ন সত্ৰ-নামঘৰসমূহ পুৱাৰে পৰা হৰিনামৰ ধ্বনিৰে মুখৰিত হৈ পৰিছে (Madhavdevs 426th death anniversary observed) ৷
লখিমপুৰ সত্ৰীয়া সংগীত বিদ্যালয়ত মাধৱদেৱৰ তিৰোভাৱ তিথি পালন
ৰাজ্যৰ অন্যান্য প্ৰান্তৰ সমান্তৰালকৈ মহাপুৰুষ শ্ৰীশ্ৰী মাধৱদেৱৰ জন্মস্থান লখিমপুৰতো বৃহস্পতিবাৰে পুৱাৰে পৰা বিভিন্ন নামঘৰ, মাধৱদেৱৰ জন্মস্থান আৰু সত্ৰীয়া অনুষ্ঠানত উদযাপন কৰা হৈছে 426 সংখ্যক তিৰোভাৱ তিথি ৷ জিলাখনত আন অনুষ্ঠানৰ লগতে নগৰৰ কে বি ৰোডত থকা লখিমপুৰ সত্ৰীয়া সংগীত বিদ্যালয়তো (Lakhimpur Sattriya Sangeet School) নাম প্ৰসংগ, ভাওনা আদিৰে তিথি পালন কৰা হয় ।