ডিমা হাছাও 20 মে’: বুধবাৰে হাফলং জিলা উপায়ুক্ত কাৰ্যালয়ৰ সন্মুখত সদৌ অসম ডিমাছা ছাত্ৰ সন্থা, ডিমাছা মাদাৰ্চ এছ’চিয়েছনে তিনিদিনীয়া ধাৰণা কাৰ্যসূচী হাতত লৈ বুধবাৰে সাব্যস্ত কৰে প্ৰতিবাদ ৷ উল্লেখ্য যে, সন্তোষ হোজাইৰ হত্যাক লৈ চিবিআইক তদন্তৰ দাবীত, এই হত্যাকাণ্ডৰ লগত জড়িত উপ-আৰক্ষী অধীক্ষক সূৰ্যকান্ত মৰাঙক গ্ৰেপ্তাৰৰ লগতে সন্তোষ হোজাইৰ পৰিয়ালক চৰকাৰৰ ফালৰ পৰা এককালীন বিত্তীয় সাহাৰ্য প্ৰদানৰ দাবীত সাব্যস্ত কৰে এই প্ৰতিবাদ ৷ 24 এপ্ৰিল তাৰিখে সন্তোষ হোজাইক 5 জনীয়া দুৰ্বৃত্তৰ দলে অপহৰণ কৰি লৈ যোৱাৰ 7 দিনৰ অন্তত 30 এপ্ৰিল তাৰিখে মাটিৰ তলৰ পৰা পুতি থোৱা অৱস্থাত সন্তোষ হোজাইৰ মৃতদেহ উদ্ধাৰ কৰিছিল আৰক্ষীয়ে ।
ডিমাছা ছাত্ৰ সন্থাৰ সাধাৰণ সম্পাদক প্ৰমিত চেংয়ুংৱে কয় যে, কোভিড-19ৰ ভয়াৱহতাৰ প্ৰতি লক্ষ্য ৰাখি লক ডাউন চলি থকাৰ সময়ত সন্তোষ হোজাইৰ হত্যাকাণ্ডৰ ন্যায় বিচাৰি তিনিদিনীয়া ধাৰণা কাৰ্যসূচী পালন কৰিব লগা হৈছে । সন্তোষ হোজাইৰ পত্নীয়ে এই হত্যাকাণ্ডত উপ-আৰক্ষী অধীক্ষক সূৰ্যকান্ত মৰাং জড়িত থকাৰ অভিযোগ তুলি হাৰেংগাজাও থানাত এখক গোচৰ ৰুজু কৰাৰ পিছত আৰু গুৱাহাটী উচ্চ ন্যায়ালয়ৰ নিৰ্দেশৰ পিছত এচআইটি গঠন কৰি দিয়ে ৷