কলগাছিয়া, 22 জুন : কৃত্ৰিম বানত জুৰুলা হৈছে কলগাছিয়াবাসী (Artificial floodat Klagachia) ৷ কালভাৰ্ট খোলাৰ দাবীত পানীত নামি তীব্ৰ প্ৰতিবাদ সাব্যস্ত কৰে স্থানীয় ৰাইজে (Locals protest at Kalgachia) ।
বৰপেটা জিলাৰ কলগাছিয়া ৰাজহ চক্ৰৰ অন্তৰ্গত কান্দুলীয়া গাঁৱৰ এটা কালভাৰ্ট খোলাৰ দাবীত শতাধিক পুৰুষ-মহিলাই পানীত নামি তীব্ৰ প্ৰতিবাদ সাব্যস্ত কৰে ৷ অঞ্চলটোৰ প্ৰায় 5 শতাধিক পৰিয়ালক বিপদত পেলাই কান্দুলীয়া চ'কত থকা এটা কালভাৰ্ট বন্ধ কৰি ৰখা হৈছে বুলি অভিযোগ উত্থাপন কৰে স্থানীয় ৰাইজে ৷
বিগত 6 মাহ পৰ্যন্ত কৃত্ৰিম বানপানীৰ কষ্ট সহিবলগীয়া হৈছে অঞ্চলটোৱে ৷ ছাত্ৰ-ছাত্ৰী সকলে বিদ্যালয়লৈ যাবলৈ হ'লেও কাপোৰ সলাই যাবলগীয়া পৰিস্থিতিৰ সৃষ্টি হৈছে অঞ্চলটোত ৷ ইয়াৰোপৰি এই কৃত্ৰিম বানত লোকসকলৰ পশুধনৰো যথেষ্ট ক্ষতি হৈছে ৷ পানী আৱদ্ধ হৈ থকাৰ ফলত বেমাৰ আজাৰত আক্ৰান্ত হৈছে বানাক্ৰান্ত লোকসকল ৷