ৰাজ্যৰ মুখ্যমন্ত্ৰীৰ সপোনক লৈ চিন্তিত হৈ পৰিছে বাঘবৰৰ বিধায়ক

বৰপেটা, ২০ আগষ্ট: শিক্ষামন্ত্ৰী ডাঃ ৰণোজ পেগুৰ সন্মুখতে বাঘবৰ ৰাজহ চক্ৰ বিষয়াৰ বিৰুদ্ধে সৰব হৈ পৰিল বাঘবৰৰ বিধায়ক শ্বেৰমান আলী আহমেদ (Baghbar Mla Sherman Ali against revenue circle officer)৷ বানত ককবকাই থকা ৰাইজক সহায়ৰ পৰিৱৰ্তে বাঘবৰৰ চক্ৰ বিষয়াগৰাকীয়ে(Baghbor Revenue Circle officer) ৪ দিনলৈ কৰ্তব্যত উপস্থিত নথকা আৰু বান ক্ষতিগ্ৰস্থৰ তালিকা প্ৰস্তুতৰ সময়ত অনিয়ম সংঘটিত হোৱাৰো অভিযোগ তোলে ৷

বৰপেটা জিলা পুথিভৰাঁল প্ৰেক্ষাগৃহত বানত ক্ষতিগ্ৰস্থক চেক প্ৰদান অনুষ্ঠানত অংশগ্ৰহণ কৰা শিক্ষামন্ত্ৰী ডাঃ ৰণোজ পেগুৰ(Education minister Ranoj Pegu) সন্মুখতে এই অভিযোগ তোলে বিধায়কগৰাকীয়ে ৷ শিক্ষামন্ত্ৰী ডাঃ ৰণোজ পেগুৰ সন্মুখতে বিধায়ক শ্বেৰমান আলীয়ে চক্ৰ বিষয়াৰ বিৰুদ্ধে কেবাটাও অভিযোগ তোলে ৷ ধন লৈ বান ক্ষতিগ্ৰস্থৰ তালিকা প্ৰস্তুতৰ অভিযোগ তুলি মন্ত্ৰীগৰাকীৰ হাতত মুখ্যমন্ত্ৰীলৈ এখন স্মাৰকপত্ৰ প্ৰদান কৰে ৷

বাঘবৰৰ ৰাজহ চক্ৰ বিষয়াৰ বিৰুদ্ধে সৰব বিধায়ক শ্বেৰমান আলী আহমেদে এপাকত মুখ্যমন্ত্ৰীক লৈ মনত পুহি ৰখা উদ্বিগ্নতাৰ কথাও প্ৰকাশ কৰে ৷ উদ্বিগ্ন বিধায়ক শ্বেৰমানে কলে- এনে বিষয়াসকলৰ বাবেই ৰাজ্যৰ মুখ্যমন্ত্ৰীৰ যি সপোন সেয়া পূৰণ নহ’ব ৷

লগতে পঢ়ক:12 ছেপ্তেম্বৰৰ পৰা বিধানসভাৰ বৰ্ষাকালিন অধিবেশন